استانا. KAZINFORM - قاسىم-جومارت توقايەۆ پرەزيدەنت تو لامدى ۆەتنام سوتسياليستىك رەسپۋبليكاسىنىڭ تاۋەلسىزدىك كۇنىمەن قۇتتىقتادى.
قازاقستان پرەزيدەنتى ءوز جەدەلحاتىندا ۆەتنامنىڭ وركەندەگەن مەملەكەت جانە ۇيلەسىمدى قوعام قۇرۋ جولىندا ايتارلىقتاي جەتىستىككە جەتكەنىن اتاپ ءوتتى.
مەملەكەت باسشىسى ەكى ەل اراسىندا ءوزارا سەنىم مەن سەرىكتەستىككە نەگىزدەلگەن دوستىق بايلانىس ورناعانىنا توقتالدى.
سونىمەن قاتار ەلدەرىمىزدىڭ يگىلىگى جولىندا ناتيجەلى ىنتىماقتاستىقتى ودان ءارى دامىتۋعا بەيىلدى ەكەنىن راستادى.
قاسىم-جومارت توقايەۆ تو لامنىڭ جاۋاپتى مەملەكەتتىك قىزمەتىنە تابىس، ال ۆەتنام حالقىنا باق-بەرەكە تىلەدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.