قاسىم-جومارت توقايەۆ سەربيا پرەزيدەنتىنە كوڭىل ايتتى
استانا. KAZINFORM – ق ر پرەزيدەنتى قاسىم-جومارت توقايەۆ سەربيا پرەزيدەنتى الەكساندر ۆۋچيچكە كوڭىل ايتۋ جەدەلحاتىن جولدادى، دەپ حابارلايدى اقوردا.
مەملەكەت باسشىسى نوۆي- ساد قالاسىنداعى تەمىرجول ۆوكزالىندا بولعان قايعىلى وقيعا سالدارىنان كوپتەگەن ادامنىڭ قازا تابۋىنا بايلانىستى سەربيا پرەزيدەنتى الەكساندر ۆۋچيچكە كوڭىل ايتتى.
- وسىنداي اۋىر ساتتە دوستاس سەربيا حالقىنىڭ قايعى-قاسىرەتىنە ورتاقتاسىپ، بارشا قازاقستاندىقتاردىڭ جانە جەكە ءوز اتىمنان سىزگە، جاقىندارىنان ايىرىلعان وتباسىلارعا قايعىرا كوڭىل ايتامىن. وقىس وقيعادا باقيلىق بولعانداردىڭ تۋىستارىنا سابىر، ال زارداپ شەككەن جانداردىڭ تەز ارادا ساۋىعىپ كەتۋىن تىلەيمىن، - دەپ جازىلعان جەدەلحاتتا.
ەسكە سالساق، سەربيانىڭ ەڭ كوپ حالىق شوعىرلانعان نوۆي- ساد قالاسىنداعى تەمىرجول ۆوكزالىندا بەتون شاتىر قۇلاپ، 14 ادام قازا تاپتى. وسىعان وراي ەلدە ازا تۇتۋ كۇنى جاريالاندى.