قاسىم-جومارت توقايەۆ ەرتەڭ وزبەكستان پرەزيدەنتىمەن بەيرەسمي كەزدەسۋ وتكىزەدى
19:57, 04 - ءساۋىر 2024
استانا. قازاقپارات - مەملەكەت باسشىسى قاسىم-جومارت توقايەۆ پەن وزبەكستان پرەزيدەنتى شاۆكات ميرزيەيەۆ 5-ءساۋىر كۇنى حيۋا قالاسىندا بەيرەسمي كەزدەسۋ وتكىزەدى، دەپ حابارلايدى اقوردانىڭ باسپا ءسوز قىزمەتى.
كەزدەسۋ بارىسىندا مەملەكەتتەر باسشىلارى ەكىجاقتى بايلانىستاردىڭ اۋقىمدى ماسەلەلەرىن، سونداي-اق وڭىرلىك كۇن ءتارتىبىن تالقىلايدى دەپ جوسپارلانىپ وتىر.
وسىعان دەيىن مەملەكەت باسشىسى قاسىم-جومارت توقايەۆتىڭ «شىمكەنت-سامارا» تاس جولىندا بولعان جول اپاتىنان وزبەكستاندىق سەگىز ازاماتتىڭ قازا تابۋىنا بايلانىستى پرەزيدەنت شاۆكات ميرزيەيەۆكە كوڭىل ايتقانىن جازدىق.