قاسىم-جومارت توقايەۆ قىرعىز پرەزيدەنتى سادىر جاپاروۆقا كوڭىل ايتتى
18:10, 01 - شىلدە 2024
استانا. KAZINFORM - پرەزيدەنت قاسىم-جومارت توقايەۆ قىرعىزستاننىڭ وش وبلىسى نووقات اۋدانىندا سەل ءجۇرۋ سالدارىنان ادامداردىڭ قازا تابۋىنا بايلانىستى قىرعىز رەسپۋبليكاسىنىڭ پرەزيدەنتى سادىر جاپاروۆقا كوڭىل ايتۋ جەدەلحاتىن جولدادى.
- قازاقستان حالقىنىڭ جانە جەكە ءوز اتىمنان قازا تاپقان ازاماتتاردىڭ وتباسى مەن جاقىن تۋىستارىنا قايعىرىپ كوڭىل ايتامىن. سونداي-اق زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك بىلدىرەمىن. قازاقستان تاتۋ كورشىلىك جانە ءوزارا قولداۋ رۋحىندا تابيعات اپاتى بولعان ەلدى مەكەنگە گۋمانيتارلىق كومەك جىبەردى. قاجەت بولعان جاعدايدا، باۋىرلاس قىرعىزستانعا جاردەم بەرۋگە ءازىرمىز، - دەپ جازىلعان جەدەلحاتتا.