قاسىم-جومارت توقايەۆ پەن سادىر جاپاروۆ ەكى ەل ونەرپازدارىنىڭ گالا-كونسەرتىن تاماشالادى
استانا. KAZINFORM - بەيبىتشىلىك جانە كەلىسىم سارايىندا وتكەن شارادا قازاقستان مەن قىرعىزستاننىڭ تانىمال مادەنيەت قايراتكەرلەرى ونەر كورسەتتى. بۇل تۋرالى اقوردانىڭ باسپا ءسوز قىزمەتى ءمالىم ەتتى.
بۇدان بولەك، كونسەرتتە «استانا وپەرا» مەملەكەتتىك وپەرا جانە بالەت تەاترىنىڭ ارتىستەرى، «گۇلدەر»، «استانا سازى»، «اركاسىرى» (قىرعىزستان) انسامبلدەرى سياقتى شىعارماشىلىق ۇجىمدار كورەرمەندەرگە كەرەمەت كوڭىل كۇي سىيلادى.
باعدارلاما اياسىندا «ماناس» ەپوسىنان ءۇزىندى وقىلىپ، قوس حالىققا كەڭ تاراعان اندەر مەن كۇيلەر ورىندالدى. سونداي-اق بىرنەشە حورەوگرافيالىق كومپوزيتسيا ۇسىنىلدى.
سونىمەن قاتار كونسەرتتى قىرعىزستاننىڭ رەسمي دەلەگاتسيا مۇشەلەرى مەن زيالى قاۋىم وكىلدەرى تاماشالادى.
بۇعان دەيىن حابارلاعانىمىزداي، بۇگىن مەملەكەت باسشىسى قىرعىزستان پرەزيدەنتى سادىر جاپاروۆتى ەلوردا اۋەجايىندا قارسى العان بولاتىن.
قىرعىز رەسپۋبليكاسىنىڭ پرەزيدەنتى سادىر جاپاروۆتىڭ ەلىمىزدەگى رەسمي ساپارى اياسىندا قازاق-قىرعىز زيالىلارى مەن شىعارماشىلىق وكىلدەرىنىڭ فورۋمى ءوتىپ جاتىر. ءىس-شارادا ءسوز العان ەرلان قارين قازاق-قىرعىز باۋىرلاستىعىنىڭ ءتۇپ تاريحىنا توقتالىپ، قوس حالىقتىڭ الىپ پەرزەنتتەرى اراسىنداعى دوستىقتىڭ وزىق ۇلگىلەرىنەن مىسال كەلتىرگەنىن جازعان بولاتىنبىز.
سونداي-اق، استانادا قىرعىز رەسپۋبليكاسىنىڭ پرەزيدەنتى سادىر جاپاروۆتىڭ رەسمي ساپارى اياسىندا قازاقستاننىڭ مادەنيەت جانە ونەر قايراتكەرلەرىنە قىرعىزستاننىڭ مەملەكەتتىك ناگرادالارىن تاپسىرۋ ءراسىمى ءوتتى.