استانا. KAZINFORM - قازاقستان مەن تۇركيا پرەزيدەنتتەرى ءبىر-ءبىرىن ورازا ايت مەرەكەسىمەن قۇتتىقتاپ، ەكى ەل حالىقتارىنا باق-بەرەكە تىلەدى. بۇل تۋرالى اقوردانىڭ باسپا ءسوز قىزمەتى حابارلادى.
مەملەكەتتەر باسشىلارى قازاق-تۇرىك ستراتەگيالىق سەرىكتەستىگىن ودان ءارى دامىتۋعا قوس تاراپ ءاردايىم دايىن ەكەنىن جەتكىزدى.
اڭگىمەلەسۋ بارىسىندا ساۋدا- ەكونوميكالىق جانە مادەني-گۋمانيتارلىق سالالارداعى ەكىجاقتى ىنتىماقتاستىقتى ىلگەرىلەتۋگە ىقپال ەتەتىن جوعارى دەڭگەيدەگى بەلسەندى ساياسي ديالوگتى قولداۋدىڭ وزەكتىلىگى ايتىلدى.
بۇدان بولەك، پرەزيدەنتتەر كوپجاقتى فورماتتاعى تىعىز ىقپالداستىقتى جالعاستىرۋدىڭ ماڭىزدى ەكەنىنە توقتالىپ، حالىقارالىق ۇيىمدار اياسىنداعى الداعى كەزدەسۋلەردىڭ كەستەسىن تالقىلادى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан