قاسىم-جومارت توقايەۆ پەن نيكول پاشينيان بىرلەسكەن مالىمدەمەگە قول قويدى

استانا. KAZINFORM - كەلىسسوزدەر قورىتىندىسى بويىنشا قاسىم-جومارت توقايەۆ پەن نيكول پاشينيان بىرلەسكەن مالىمدەمەگە قول قويدى.

قازاقستان پرەزيدەنتىنىڭ ەرەۆانعا رەسمي ساپارى اياسىندا مىناداي قۇجاتتارعا قول قويىلدى:

1. قازاقستان رەسپۋبليكاسىنىڭ ۇكىمەتى مەن ارمەنيا رەسپۋبليكاسىنىڭ ۇكىمەتى اراسىنداعى كوشى-قون سالاسىنداعى ىنتىماقتاستىق تۋرالى كەلىسىم؛
2. قازاقستان رەسپۋبليكاسىنىڭ ۇكىمەتى مەن ارمەنيا رەسپۋبليكاسىنىڭ ۇكىمەتى اراسىنداعى ازاماتتاردىڭ ساپارلارى مەن بولۋ ءتارتىبى تۋرالى كەلىسىم؛
3. 2006 -جىلعى 6-قاراشاداعى قازاقستان رەسپۋبليكاسىنىڭ ۇكىمەتى مەن ارمەنيا رەسپۋبليكاسىنىڭ ۇكىمەتى اراسىنداعى حالىقارالىق اۆتوموبيل قاتىناسى تۋرالى كەلىسىمگە وزگەرىستەر مەن تولىقتىرۋلار ەنگىزۋ تۋرالى حاتتاما؛
4. قازاقستان رەسپۋبليكاسى مەن ارمەنيا رەسپۋبليكاسىنىڭ اۆياتسيالىق بيلىكتەرى اراسىنداعى ءوزارا تۇسىنىستىك تۋرالى مەموراندۋم؛
5. قازاقستان رەسپۋبليكاسى ماڭعىستاۋ وبلىسى اكىمىنىڭ اپپاراتى مەن ارمەنيا رەسپۋبليكاسى ارماۆير وبلىسىنىڭ اكىمشىلىگى اراسىنداعى ىنتىماقتاستىق تۋرالى مەموراندۋم؛
6. قازاقستان رەسپۋبليكاسىنىڭ شىمكەنت قالاسى مەن ارمەنيا رەسپۋبليكاسىنىڭ ۆانادزور قالاسى اراسىنداعى ىنتىماقتاستىق جانە باۋىرلاستىق قارىم- قاتىناس ورناتۋ تۋرالى مەموراندۋم؛
7. قازاقستان رەسپۋبليكاسىنىڭ تۋريزم جانە سپورت مينيسترلىگى مەن ارمەنيا رەسپۋبليكاسىنىڭ ءبىلىم، عىلىم، مادەنيەت جانە سپورت مينيسترلىگى اراسىنداعى 2024-2026 -جىلدارعا ارنالعان ىنتىماقتاستىق باعدارلاماسى؛
8. قازاقستان رەسپۋبليكاسىنىڭ ۇكىمەتى مەن ارمەنيا رەسپۋبليكاسىنىڭ ۇكىمەتى اراسىنداعى ساۋدا-ەكونوميكالىق ىنتىماقتاستىق جونىندەگى 2024-2025 -جىلدارعا ارنالعان جول كارتاسى؛
9. قازاقستان رەسپۋبليكاسىنىڭ سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى مەن ارمەنيا رەسپۋبليكاسىنىڭ جوعارى تەحنولوگيالىق يندۋستريا مينيسترلىگى اراسىنداعى اقپاراتتىق كوممۋنيكاتسيالىق تەحنولوگيالار سالاسىنداعى ىنتىماقتاستىق تۋرالى ءوزارا تۇسىنىستىك تۋرالى مەموراندۋم؛
10. استانا مەن ەرەۆان اراسىنداعى باۋىرلاستىق قارىم-قاتىناس ورناتۋ تۋرالى مەموراندۋم.