قاسىم-جومارت توقايەۆ پەن ۆااگن حاچاتۋريان ارمەنيانىڭ قازاقستانداعى مادەنيەت كۇندەرىنىڭ اشىلۋ سالتاناتىنا قاتىستى
استانا. KAZINFORM - ەكى ەل باسشىلارى قاليبەك قۋانىشبايەۆ اتىنداعى قازاق ۇلتتىق مۋزىكالىق دراما تەاترىندا ارمەنيانىڭ مادەنيەت كۇندەرىنە وراي ۇيىمداستىرىلعان سالتاناتتى كونسەرتكە باردى.
پرەزيدەنتتەر، ەڭ الدىمەن، داڭقتى ارميان كينورەجيسسەرى جانە سۋرەتشىسى سەرگەي پارادجانوۆتىڭ 100 جىلدىق مەرەيتويىنا ارنالعان تەاتر فويەسىندەگى فوتوكورمەنى تاماشالادى.
كونسەرتتە ارمەنيانىڭ مەملەكەتتىك دجاز وركەسترى مەن ينگا ارشاكيان، گور سۋدجيان سەكىلدى ونەرپازدارى الەمگە ايگىلى ارميان كومپوزيتورلارى كوميتاستىڭ، شارل ازناۆۋردىڭ، جورج گارۆارەنتستىڭ جانە ارنو بابادجانياننىڭ مۋزىكالىق شىعارمالارىن ورىندادى.
سونىمەن قاتار 15-16-قازان كۇندەرى استانادا ارمەنيا كينوسىنىڭ كۇندەرى وتەدى. ال سوس ساركيسيان اتىنداعى «امازگاين» تەاترى كورەرمەن نازارىنا دانيل حارمس شىعارماسىنىڭ جەلىسىمەن قويىلعان «ليۋ- بەف» سپەكتاكلىن ۇسىنادى.
اۆتور
اسحات رايقۇل