قاسىم-جومارت توقايەۆ موڭعوليا پرەزيدەنتىن ناادام مەرەكەسىمەن قۇتتىقتادى
10:22, 11 - شىلدە 2025
استانا. KAZINFORM - قاسىم-جومارت توقايەۆ موڭعوليا پرەزيدەنتى ۋحنااگين حۋرەلسۋحتى ناادام مەرەكەسىمەن قۇتتىقتادى. بۇل تۋرالى اقوردانىڭ باسپا ءسوز قىزمەتى حابارلادى.
مەملەكەت باسشىسى مەيىرىمدىلىك پەن قايىرىمدىلىق قۇندىلىقتارىن دارىپتەيتىن تاريحى تەرەڭ بۇل مەيرامدا موڭعوليا حالقىنىڭ بەرەكە-بىرلىگى ارتا بەرۋىنە تىلەكتەستىك ءبىلدىردى.
سونداي-اق دوستاس ەكى ەل اراسىندا قالىپتاسقان ءوزارا قۇرمەت پەن ستراتەگيالىق سەرىكتەستىك ورتاق يگىلىك ءۇشىن ودان ءارى بەكي تۇسەتىنىنە كامىل سەنەتىنىن جەتكىزدى.
ايتا كەتەلىك قازاقستان مەن موڭعوليا اراسىنداعى جول قاشىقتىعى 800 شاقىرىمعا دەيىن قىسقاراتىنى تۋرالى جازعان ەدىك.