استانا. KAZINFORM - قاسىم-جومارت توقايەۆ پەن ۆيكتور وربان ەكىجاقتى كۇن ءتارتىبىنىڭ وزەكتى ماسەلەلەرىن تالقىلاپ، قازاقستان مەن ماجارستان اراسىنداعى ستراتەگيالىق سەرىكتەستىككە وڭ باعا بەردى. بۇل تۋرالى اقوردانىڭ باسپا ءسوز قىزمەتى حابارلادى.
ەڭ الدىمەن ەنەرگەتيكا، قارجى جانە ينۆەستيتسيا سالالارىنداعى جوعارى دەڭگەيدە قول جەتكىزىلگەن كەلىسىمدەردى ءتيىمدى ىسكە اسىرۋعا باسا نازار اۋدارىلدى. ەكىجاقتى ىنتىماقتاستىقتى ودان ءارى جانداندىرۋ ءۇشىن بىرلەسكەن جۇمىستى جالعاستىرۋدىڭ ماڭىزىنا دەن قويىلدى.
قاسىم-جومارت توقايەۆ پەن ۆيكتور وربان قازىرگى جاھاندىق جانە وڭىرلىك ماسەلەلەر بويىنشا پىكىر الماسىپ، حالىقارالىق ۇيىمدار اياسىنداعى ءوزارا ىقپالداستىقتى كۇشەيتۋگە بەيىل ەكەندەرىن راستادى.
اڭگىمەلەسۋ سوڭىندا مەملەكەت باسشىسى ماجارستان پرەمەر-ءمينيسترىن قازاقستانعا ساپارمەن كەلۋگە شاقىردى.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.