قاسىم-جومارت توقايەۆ ەل ەكونوميكاسىن جاڭعىرتۋ تۋرالى 2007 -جىلعى جارلىققا وزگەرىس ەنگىزدى

استانا. KAZINFORM - مەملەكەت باسشىسى قاسىم-جومارت توقايەۆ «قازاقستان رەسپۋبليكاسىنىڭ ەكونوميكاسىن جاڭعىرتۋ جونىندەگى شارالار تۋرالى» ق ر پرەزيدەنتىنىڭ 2007 -جىلعى 13-ساۋىردەگى № 314 جارلىعىنا وزگەرىستەر ەنگىزدى.

- «قازاقستان رەسپۋبليكاسىنىڭ ەكونوميكاسىن جاڭعىرتۋ جونىندەگى شارالار تۋرالى» قازاقستان رەسپۋبليكاسى پرەزيدەنتىنىڭ 2007 -جىلعى 13-ساۋىردەگى № 314 جارلىعىنا مىناداي وزگەرىستەر ەنگىزىلسىن: جوعارىدا كورسەتىلگەن جارلىقپەن بەكىتىلگەن قازاقستان رەسپۋبليكاسىنىڭ ەكونوميكاسىن جاڭعىرتۋ ماسەلەلەرى جونىندەگى مەملەكەتتىك كوميسسيا تۋرالى ەرەجەدە: 6-تارماقتىڭ 2) تارماقشاسى مىناداي رەداكسيادا جازىلسىن: «2) مەملەكەتتىك كوميسسيا قابىلداعان شەشىمدەردى ىسكە اسىرۋ جونىندە مەملەكەتتىك ورگاندار مەن وزگە دە ۇيىمدار قابىلدايتىن شارالارعا مونيتورينگ جۇرگىزەدى، - دەلىنگەن پرەزيدەنت جارلىعىندا.

سونداي-اق 11-تارماق مىناداي رەداكسيادا جازىلدى:

11. مەملەكەتتىك كوميسسيا ءتوراعاسىنىڭ شەشىمى مەن جۇمىس ورگانىنىڭ ۇسىنىستارى بويىنشا كەزەكتەن تىس وتىرىستار شاقىرىلۋى مۇمكىن، ولاردىڭ قاراۋىنا جوسپاردان تىس ماسەلەلەر شىعارىلادى. كەزەكتەن تىس وتىرىس وتكىزىلەتىن كۇن، وعان شىعارىلاتىن ماسەلەلەر بويىنشا ماتەريالداردى ۇسىنۋ جانە مەملەكەتتىك كوميسسيا مۇشەلەرىنىڭ ءوز قاتىسۋىن راستاۋ مەرزىمدەرى مەملەكەتتىك كوميسسيا ءتوراعاسىنىڭ كەزەكتەن تىس وتىرىستى شاقىرۋ تۋرالى شەشىمىندە ايقىندالادى. مەملەكەتتىك كوميسسيا ءتوراعاسىنىڭ تاپسىرماسى بويىنشا سىرتتاي داۋىس بەرۋگە باستاما جاساۋ ارقىلى جوسپاردان تىس ماسەلەلەردى شىعارۋعا جانە قاراۋعا جول بەرىلەدى. مەملەكەتتىك كوميسسيا مۇشەلەرىنىڭ سىرتتاي داۋىس بەرۋگە ۇسىنىلعان حاتتاما ال 17-تارماق مىناداي رەداكسيادا جازىلدى:

17. مەملەكەتتىك كوميسسيانىڭ شەشىمدەرى ونىڭ وتىرىسقا قاتىسىپ وتىرعان مۇشەلەرىنىڭ جالپى سانىنىڭ كوپشىلىك داۋسىمەن قابىلدانادى جانە جۇرگىزىلگەن ستەنوگرامما نەگىزىندە حاتتامامەن رەسىمدەلەدى. مەملەكەتتىك كوميسسيا مۇشەلەرىنىڭ داۋىستارى تەڭ بولعان كەزدە ءتوراعالىق ەتۋشى بەرگەن داۋىس شەشۋشى بولىپ تابىلادى. مەملەكەتتىك كوميسسيا حاتتاماسىنىڭ كوشىرمەلەرى مەملەكەتتىك كوميسسيانىڭ بارلىق مۇشەلەرىنە جانە مۇددەلى مەملەكەتتىك ورگاندارعا جىبەرىلەدى“.
جوعارىدا اتالعان جارلىقپەن بەكىتىلگەن قازاقستان رەسپۋبليكاسىنىڭ ەكونوميكاسىن جاڭعىرتۋ ماسەلەلەرى جونىندەگى مەملەكەتتىك كوميسسيانىڭ لاۋازىمدىق قۇرامى جاڭا رەداكتسيادا جازىلدى.
قازاقستان رەسپۋبليكاسىنىڭ ەكونوميكاسىن جاڭعىرتۋ ماسەلەلەرى جونىندەگى مەملەكەتتىك كوميسسيانىڭ لاۋازىمدىق قۇرامى مىناداي:

قازاقستان رەسپۋبليكاسىنىڭ پرەمەر- ءمينيسترى، ءتوراعا
قازاقستان رەسپۋبليكاسى ۇلتتىق بانكىنىڭ ءتوراعاسى
«سامۇرىق- قازىنا ۇلتتىق ءال- اۋقات قورى» اكسيونەرلىك قوعامىنىڭ باسقارما ءتوراعاسى (كەلىسىم بويىنشا)
جەتەكشىلىك ەتەتىن ماسەلەلەرى بويىنشا قازاقستان رەسپۋبليكاسى پرەمەر- ءمينيسترىنىڭ ورىنباسارلارى
قازاقستان رەسپۋبليكاسى پرەمەر- ءمينيسترىنىڭ ورىنباسارى - ۇكىمەت اپپاراتىنىڭ باسشىسى
قازاقستان رەسپۋبليكاسى پرەمەر- ءمينيسترىنىڭ ورىنباسارى - ۇلتتىق ەكونوميكا ءمينيسترى
قازاقستان رەسپۋبليكاسى پرەزيدەنتىنىڭ ەكونوميكالىق ماسەلەلەر جونىندەگى كومەكشىسى
قازاقستان رەسپۋبليكاسىنىڭ كولىك ءمينيسترى
قازاقستان رەسپۋبليكاسىنىڭ قارجى ءمينيسترى
قازاقستان رەسپۋبليكاسىنىڭ ونەركاسىپ جانە قۇرىلىس ءمينيسترى
مەملەكەت باسشىسى جارلىققا 25-ءساۋىر كۇنى قول قويدى جانە سول كۇننەن باستاپ قولدانىسقا ەنگىزىلدى.