قاسىم-جومارت توقايەۆ جۇمىس ساپارىمەن قوستاناي وبلىسىندا ءجۇر
11:47, 10 - قىركۇيەك 2024
قوستاناي. KAZINFORM - پرەزيدەنت قاسىم-جومارت توقايەۆ جۇمىس ساپارىمەن قوستاناي وبلىسىنا كەلدى.
مەملەكەت باسشىسى وڭىردەگى ءبىرقاتار ونەركاسىپ جانە اۋىل شارۋاشىلىعى كاسىپورىندارىن ارالايدى.
سونداي-اق الەۋمەتتىك نىسانداردىڭ جاي-كۇيىمەن تانىسادى.
ەسكە سالا كەتەيىك، كەشە پرەزيدەنت پرەمەر-مينيستر ولجاس بەكتەنوۆتى قابىلداعان بولاتىن.
ولجاس بەكتەنوۆ ەلىمىزدىڭ الەۋمەتتىك- ەكونوميكالىق جاعدايى، ەگىن وراعى جانە سۋ تاسقىنىنان زارداپ شەككەن وڭىرلەردەگى تۇرعىن ۇيلەردى قالپىنا كەلتىرۋ جۇمىستارى تۋرالى باياندادى.