قاسىم-جومارت توقايەۆ حيۋا قالاسىنىڭ تاريحي ورىندارىن ارالاپ كوردى
استانا. KAZINFORM - قاسىم-جومارت توقايەۆ وزبەكستانعا جۇمىس ساپارى بارىسىندا پرەزيدەنت شاۆكات ميرزيەيەۆپەن بىرگە ەجەلگى حيۋا شاھارىنىڭ تاريحي ورتالىعىنداعى «يشان- قالا» قالاشىعىنا باردى، دەپ حابارلايدى اقوردانىڭ باسپا ءسوز قىزمەتى.
«يشان قالا» يۋنەسكو-نىڭ دۇنيەجۇزىلىك مۇرالار تىزىمىنە ورتالىق ازيادان ەنگەن العاشقى ەسكەرتكىش سانالادى. مەملەكەتتىك تاريحي- ارحەولوگيالىق مۋزەي-قورىعىندا 400 گە جۋىق تۇرعىن ءۇي عيماراتى، سونداي-اق الپىسقا تارتا تاريحي جانە ساۋلەت ەسكەرتكىشى ورنالاسقان.
مەملەكەتتەر باسشىلارىنىڭ قالاشىققا ەكسكۋرسياسى «اتا داربازا» قاقپاسىنان باستالدى. مارتەبەلى مەيماننىڭ قۇرمەتىنە وراي وزبەك حالقىنىڭ ءان-كۇيى شىرقالىپ، تەاترلاندىرىلعان كورىنىس قويىلدى.
ودان ءارى ولار «كۋنيا ارك» كەشەنىن، شەرعازى حان مەدرەسەسىن، مۇحاممەد ءامين يناق مەدرەسەسىن، جۇما مەشىتىن جانە «تاش حاۋلي» كەشەنىن ارالاپ كوردى.
قازاقستان مەن وزبەكستان پرەزيدەنتتەرى حيۋانىڭ ورتاعاسىرلىق شايىرى، اعارتۋشى، سوپى ءارى ويشىل پالۋان ماحمۇد (1247-1326) كەسەنەسىنە زيارات جاساپ، ونىڭ رۋحىنا قۇران باعىشتادى. پالۋان ماحمۇد كەسەنەسى وزبەك، تۇرىكمەن، قاراقالپاق جانە باسقا دا حالىقتاردىڭ ءمىناجات ەتىپ باراتىن قاسيەتتى مەكەنى سانالادى.