قاسىم-جومارت توقايەۆ حالىقتى ونبەس داۋدان اۋلاق بولۋعا شاقىردى
استانا. KAZINFORM - مەملەكەت باسشىسى قاسىم-جومارت توقايەۆ اۋىل شارۋاشىلىعى قىزمەتكەرلەرىنىڭ ءبىرىنشى فورۋمىندا قازاقستانعا ستراتەگيالىق باعىتىنان اۋىتقىماۋ ءۇشىن نە كەرەك ەكەنىن ايتتى.
«ادىلەتتى قازاقستاندى قۇرۋ جولىندا ءالى دە كوپ جۇمىس ىستەۋ قاجەت. ول ءۇشىن جالپى ۇلتتىق بىرەگەيلىگىمىزدىڭ نەگىزىن ۇدايى نىعايتىپ، مەملەكەتتىك باسقارۋدىڭ تيىمدىلىگىن ارتتىرىپ، ەكونوميكانى دايەكتى تۇردە دامىتۋ كەرەك. ەلدىك ماقساتتارىمىزدىڭ كوكجيەگىن كورە ءبىلۋ ماڭىزدى. سوندا عانا الدىمىزعا قويعان ستراتەگيالىق مىندەتتەردىڭ باعىتىنان اۋىتقىمايمىز»، - دەدى پرەزيدەنت.
سونداي-اق، پرەزيدەنت حالىقتى ونبەس داۋدان اۋلاق بولۋعا شاقىردى.
«بوس اڭگىمەلەر مەن ونبەس داۋلاردى قۋماي، بولاشاققا سەنىممەن قادام باسۋىمىز كەرەك. باتىل باستامالارىمىزدى بىرگە جۇزەگە اسىراتىنىمىزعا سەنىمدىمىن»، - دەدى مەملەكەت باسشىسى.
اۆتور
ەسىمجان ناقتىباي