استانا. KAZINFORN - مەملەكەت باسشىسى قاسىم-جومارت توقايەۆ فرانسيا پرەزيدەنتى ەممانيۋەل ماكرونعا مايوتتا ارحيپەلاگىندا بولعان جويقىن تايفۋن سالدارىنان كوپتەگەن ادامنىڭ قازا تابۋىنا بايلانىستى كوڭىل ايتۋ جەدەلحاتىن جولدادى، دەپ حابارلايدى اقوردانىڭ باسپا ءسوز قىزمەتى.
پرەزيدەنت قايتىس بولعان ازاماتتاردىڭ جاقىن-جۋىقتارىنا ولاردىڭ قايعىسىنا ورتاقتاسا كوڭىل ايتىپ، زارداپ شەككەن ادامداردىڭ تەزىرەك ساۋىعىپ كەتۋىنە تىلەكتەستىك ءبىلدىردى.
ايتا كەتەيىك، ءۇندى مۇحيتىنداعى فرانسياعا تيەسىلى مايوتتا ارحيپەلاگىندا «شيدو» اتتى جويقىن سيلون بولعانىن، وقيعا سالدارىنان مىڭداعان ادام قۇربان بولۋ مۇمكىندىگى تۋرالى حابارلاندى.
دۇيسەنبى كۇنى كەشكە قاتتى داۋىلدان زارداپ شەككەن مايوتتا ارالىنداعى جاعدايعا بايلانىستى فرانسيانىڭ مينيسترلىكارالىق داعدارىس توبىنىڭ وتىرىسى ءوتتى. وندا فرانسيا باسشىسى ۇلتتىق ازا تۇتۋ كۇنىن جاريالايتىنىن ءمالىم ەتتى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.