قاسىم-جومارت توقايەۆ شاۆكات ميرزيەۆتى وزبەكستاننىڭ تاۋەلسىزدىك كۇنىمەن قۇتتىقتادى
10:06, 01 - قىركۇيەك 2024
استانا. KAZINFORM - قاسىم-جومارت توقايەۆ شاۆكات ميرزيەۆتى وزبەكستاننىڭ تاۋەلسىزدىك كۇنىمەن قۇتتىقتادى، دەپ حابارلادى اقوردا.
مەملەكەت باسشىسى قۇتتىقتاۋ جەدەلحاتىندا وزبەكستاننىڭ ەكونوميكالىق جانە الەۋمەتتىك دامۋ، حالىقارالىق ارەناداعى بەدەلىن نىعايتۋ جانە ازاماتتاردىڭ ءال-اۋقاتىن ارتتىرۋ باعىتتارىندا تولايىم تابىسقا جەتكەنىن اتاپ ءوتتى.
قازاقستان پرەزيدەنتى عاسىرلار بويى جالعاسقان دوستىق، تاتۋ كورشىلىك جانە ءوزارا قولداۋ رۋحىنداعى قازاق-وزبەك ستراتەگيالىق سەرىكتەستىگى مەن وداقتاستىق قاتىناستى ودان ءارى جان-جاقتى دامىتۋعا نيەتتى ەكەنىن راستادى.
قاسىم-جومارت توقايەۆ شاۆكات ميرزيەۆتىڭ جاۋاپتى مەملەكەتتىك قىزمەتى تابىستى بولۋىنا جانە باۋىرلاس وزبەك حالقىنىڭ ءوسىپ-وركەندەي بەرۋىنە تىلەكتەستىك ءبىلدىردى.
اۆتور
ەلميرا ورالبايەۆا