قاسىم-جومارت توقايەۆ الەكساندر ستۋببتى فينليانديا پرەزيدەنتى لاۋازىمىنا سايلانۋىمەن قۇتتىقتادى
19:46, 12 - اقپان 2024
استانا. KAZINFORM - مەملەكەت باسشىسى پرەزيدەنت سايلاۋىندا جەڭىسكە جەتكەن الەكساندر ستۋببقا قۇتتىقتاۋ جەدەلحاتىن جولدادى.
- سايلاۋداعى جەڭىسىڭىز حالقىڭىزدىڭ سىزگە دەگەن سەنىمىن بىلدىرەدى، سونداي- اق ءسىزدىڭ پەرسپەكتيۆتى باعدارلاماڭىز بەن مول ساياسي تاجىريبەڭىزدى قولدايتىنىن كورسەتەدى. فينليانديا ءوزىڭىزدىڭ باسشىلىعىڭىزبەن قارقىندى دامۋىن جالعاستىرىپ، وركەندەي بەرەتىنىنە سەنىمدىمىن. ءبىز فينليانديامەن اراداعى دوستىققا جانە ءوزارا قۇرمەتكە نەگىزدەلگەن بەرىك قارىم- قاتىناستى جوعارى باعالايمىز. ەكى ەلدىڭ يگىلىگى جولىنداعى ۇزاقمەرزىمدى ىنتىماقتاستىقتى ودان ءارى نىعايتىپ، ەكىجاقتى ىقپالداستىقتىڭ الەۋەتىن پايدالانۋ ءۇشىن سىزبەن جانە فين ۇكىمەتىمەن تىعىز بايلانىس جاسايمىز دەپ سەنەمىن، - دەلىنگەن جەدەلحاتتا.