قاسىم-جومارت توقايەۆ ا ق ش پرەزيدەنتىنە قۇتتىقتاۋ جەدەلحاتىن جولدادى
09:46, 14 - ماۋسىم 2025
استانا. KAZINFORM - مەملەكەت باسشىسى امەريكا قۇراما شتاتتارىنىڭ پرەزيدەنتى دونالد ترامپتى تۋعان كۇنىمەن قۇتتىقتادى.
قاسىم-جومارت توقايەۆ امەريكا كوشباسشىسىنىڭ جاھاندىق قاۋىپسىزدىك پەن تۇراقتىلىقتى ساقتاۋ جولىنداعى بەلسەندى ءارى پراگماتيكالىق قىزمەتىن جوعارى باعالايتىنىن اتاپ ءوتتى.
مەملەكەت باسشىسى ا ق ش پرەزيدەنتىنە قازاقستانمەن ستراتەگيالىق سەرىكتەستىكتى نىعايتۋدى كوزدەيتىن ۇستانىمى ءۇشىن ريزاشىلىعىن جەتكىزدى. سونىمەن قاتار ەلىمىزدىڭ قۇراما شتاتتارمەن ءوزارا ءتيىمدى ىنتىماقتاستىقتى ودان ءارى دامىتۋعا مۇددەلى ەكەنىن راستادى.
قاسىم-جومارت توقايەۆ دونالد ترامپتىڭ دەنىنە ساۋلىق جانە جاۋاپتى مەملەكەتتىك قىزمەتىنە تولاعاي تابىس تىلەدى.
ايتا كەتەيىك، پرەزيدەنت ExxonMobil كورپوراتسياسىنىڭ باسقارما ءتوراعاسىن قابىلدادى.