قاسىم- جومارت توقايەۆ 2- وقۋشىلار سارايىن ارالاپ كوردى
شىمكەنت. KAZINFORM - پرەزيدەنت قاسىم-جومارت توقايەۆ شىمكەنت قالاسىنا بارعان ءىس ساپار اياسىندا 2-وقۋشىلار سارايىن ارالاپ كوردى. بۇل تۋرالى اقوردا ءمالىم ەتتى.
- زاماناۋي قوسىمشا ءبىلىم بەرۋ ورتالىعىندا مۋلتيمەديا سىنىپتارى، زەرتحانالار، شىعارماشىلىق ستۋديالارى، كوۆوركينگ اۋماقتارى قاراستىرىلعان. مۇندا ەرەكشە قاجەتتىلىگى بار بالالار دا ەمىن- ەركىن ءبىلىم الادى. نىسان پرەزيدەنتتىڭ 2022-جىلى قالاعا كەلگەن كەزىندە بەرگەن تاپسىرماسىنا سايكەس سالىنىپ، پايدالانۋعا بەرىلگەن، - دەلىنگەن حابارلامادا.
بۇگىندە وقۋشىلار سارايىندا 5 مىڭعا جۋىق بالا التى باعىت بويىنشا 65 ۇيىرمەگە قاتىسادى. ءبىلىم بەرۋ باعدارلاماسى جان- جاقتى دامىعان، جاڭاشا ويلايتىن ءارى شىعارماشىلىق قابىلەتى زور تۇلعا قالىپتاستىرۋعا باعىتتالعان.
مەملەكەت باسشىسى ورتالىقپەن تانىسىپ شىققان سوڭ وقۋشىلارمەن اڭگىمەلەستى.
بۇعان دەيىن حابارلانعانداي، مەملەكەت باسشىسى Marai E7 Group ءوندىرىس الاڭىنىڭ قىزمەتىمەن تانىستى.