15:10, 14 تامىز 2024
قارىز ءھام ارىز: استانا اۋرۋحانالارىنىڭ ماسەلەسى شاش-ەتەكتەن
استانا. KAZINFORM - بۇگىندە ەلورداعى مەديتسينالىق ۇيىمداردىڭ كرەديتورلىق بەرەشەگى ارتپاسا، كەمىگەن ەمەس. كوممۋنالدىق قىزمەتتەن باستاپ ءدارى جەتكىزۋشىلەرگە دەيىن قارىز. بۇعان دارىگەرلەردىڭ قىزمەتىنە كوڭىلى تولمايتىن ەمدەلۋشىلەردىڭ ارىز-شاعىمىن قوسىڭىز. سالدارىنان اۋرۋحانا باسشىلارى وزدەرى دە ەم ىزدەيتىن كۇنگە جەتكەن. بۇل پروبلەما بۇگىن استانا قالاسىنىڭ قوعامدىق كەڭەسى ۇيىمداستىرعان قوعامدىق تىڭداۋ بارىسىندا كوتەرىلدى. تۇرعىنداردىڭ كوڭىلى تولمايتىن م ءا م س ماسەلەسى دە ءسوز بولدى.