قارىمتا سوققى: يران يزرايلگە تاعى دا زىمىران جىبەردى

استانا. KAZINFORM - يران دۇيسەنبىگە قاراعان ءتۇنى يزرايلگە تاعى دا زىمىران ۇشىردى، دەپ حابارلايدى BBC.

يزرايلدىڭ Magen David Adom جەدەل جاردەم قىزمەتى وسى ۋاقىتقا دەيىن بىرنەشە جەڭىل جاراقات العان ادام تۋرالى مالىمەت العانىن حابارلايدى، ال Jerusalem Post گازەتىنىڭ جازۋىنشا، 35 ادام جاراقات العان، ونىڭ ىشىندە اۋىر جارالانعان 10 جاسار بالا بار.

يزرايلدىڭ ءورت ءسوندىرۋ جانە قۇتقارۋ قىزمەتى ەلدىڭ ورتالىق بولىگىندە بىرنەشە ءورت بولعانىن حابارلادى.

يزرايل باسپا ءسوزىنىڭ حابارلاۋىنشا، جارىلىستاردىڭ دىبىسى ەلدىڭ ورتالىعىنداعى ءتۇرلى ايماقتاردا ەستىلگەن.

يراننىڭ مەملەكەتتىك باسپا ءسوزى شابۋىلدىڭ حايفادا بولعانىن مالىمدەدى، يزرايل تاراپى دا حايفادا جارىلىس بولعانىن راستادى، ءبىراق ونىڭ سالدارى تۋرالى ءالى سەنىمدى اقپارات جوق.

قازىرگى كەزدە يزرايلدە دابىل توقتادى.