بۇل تۋرالى پرەمەر-مينيستر ولجاس بەكتەنوۆ دەپۋتاتتىق ساۋالعا بەرگەن جاۋابىندا مالىمدەدى.
ۇكىمەت باسشىسىنىڭ جاۋابىنا قاراعاندا، وتباسىنىڭ سيفرلىق كارتاسىندا قازىردىڭ وزىندە ەگدە جاستاعى ادامداردىڭ فۋنكسيونالدىق جاعدايىن باعالاۋعا مۇمكىندىك بەرەتىن ءبىرقاتار مالىمەت جيناقتالعان. الداعى كەزەڭدە وسى دەرەكتەر نەگىزىندە ادامنىڭ بوگدە بىرەۋدىڭ كومەگىنە قانشالىقتى تاۋەلدى ەكەنىن انىقتاۋ ماسەلەسى پىسىقتالادى.
بۇل ءۇشىن دەنساۋلىق ساقتاۋ جانە الەۋمەتتىك قورعاۋ ۇيىمدارى اراسىندا اقپارات الماسۋ جولعا قويىلىپ، ازاماتتاردىڭ جەكە قاجەتتىلىكتەرىن باعالاۋ ناتيجەلەرى ەسكەرىلەدى. سونداي- اق كورسەتىلگەن قىزمەتتەردىڭ ورىندالۋىن باقىلاۋ تەتىگى جەتىلدىرىلمەك. مۇنىڭ ءبارى قولدانىستاعى سيفرلىق جۇيەلەردىڭ قىزمەتىن قايتالاماي جۇزەگە اسىرىلۋعا ءتيىس.
ايتا كەتەيىك، بۇعان دەيىن، ەلىمىزدە قارتتار سانى ەڭ كوپ وڭىرلەردى جازعان ەدىك.