مۇنداي قورىتىندىعا قىتاي مەديسينا عىلىمدارى اكادەمياسىنىڭ زەرتتەۋشىلەرى زەرتحانالىق سىناقتار ناتيجەسىندە كەلدى.
زەرتتەۋ بارىسىندا عالىمدار رىن شىڭ (人参)، سانشي (三七) جانە چۋاڭسيۋن (川芎) وسىمدىكتەرىنەن دايىندالعان قايناتپانىڭ قۇرامىن زەرتتەدى. ونىڭ قۇرامىنان اعزاداعى قابىنۋ ۇدەرىستەرى مەن جاسۋشالاردىڭ قارتايۋىن باقىلاۋعا جاۋاپ بەرەتىن ەرەكشە اقۋىز رەتسەپتورىنا اسەر ەتەتىن 55 بەلسەندى زات انىقتالدى.
گيپەرتونيامەن اۋىراتىن زەرتحانالىق ەگەۋقۇيرىقتارعا جۇرگىزىلگەن تاجىريبە ءتورت اي بويى ەكستراكت قابىلداۋ قان قىسىمىن تومەندەتەتىنىن، جۇرەك پەن بۇيرەكتىڭ زاقىمدانۋىن ازايتاتىنىن، تىندەردىڭ فيبروزىن باياۋلاتاتىنىن جانە مي نەيروندارىنىڭ جوعالۋىنا جول بەرمەيتىنىن كورسەتتى.
Frontiers in Pharmacology جۋرنالىندا جاريالانعان زەرتتەۋ اۆتورلارى الىنعان ناتيجەلەر فيتوتەراپيانىڭ تيىمدىلىگىن راستاپ، پرەپاراتتى كلينيكالىق سىناقتان وتكىزۋگە عىلىمي نەگىز قالىپتاستىراتىنىن اتاپ ءوتتى.
بۇعان دەيىن قىتايدا ادام ءومىرىن 120 جاسقا دەيىن ۇزارتۋعا ارنالعان تابلەتكالار ازىرلەنىپ جاتقانى حابارلانعان ەدى.