استانا. قازاقپارات - ارالاس جەكپە-جەكتە باق سىناپ جۇرگەن رەسەيلىك سپورتشى يدريس ابدۋراشيدوۆ بوكستاعى العاشقى كەزدەسۋىن كۇتپەگەن ناتيجەمەن اياقتادى. ول جەڭىلىپ بارا جاتقاندا قارسىلاسىن اياقپەن تەۋىپ قۇلاتتى، - دەپ جازادى msports.kz سايتى.
21 جاستاعى يدريس ابدۋراشيدوۆ يراندىق باگەر فارادجيمەن جۇدىرىقتاستى. جەكپە-جەك كەزىندە قارسىلاسىن حاي-كيك ادىسىمەن نوكاۋتقا ءتۇسىردى. يدريستىڭ اياقپەن جاساعان جويقىن سوققىسىنان كەيىن يراندىق بوكسشى ەسىنەن تانىپ قۇلادى. ارتىنشا رەسەيلىكتى ءومىر بويىنا بوكستان شەتتەتۋ تۋرالى شەشىم قابىلداندى.
كەيىننەن يدريس ابدۋراشيدوۆ شارشى الاڭداعى بۇل ارەكەتىن ادەيى ەمەس، اۆتومات تۇردە جاساعانىن ايتىپ اقتالدى. رەسەيلىك قارسىلاسىمەن كەزدەسىپ، قاتەلىگى ءۇشىن كەشىرىم سۇراعانى جايلى دا جازدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан