استانا. قازاقپارات - داعىستاندىق شاحماتشى ءامينا اباكاروۆا جارىس كەزىندە قارسىلاسى ۇمايعانات وسمانوۆانى سىناپپەن ۋلاماق بولعان. بۇل تۋرالى داعىستاننىڭ دەنە شىنىقتىرۋ جانە سپورت ءمينيسترى ساجيت ساجيدوۆ ءمالىم ەتتى.
داعىستان سپورت مينيسترلىگى باسشىسىنىڭ ايتۋىنشا، ماماندار سپورتشىنىڭ ۇستەلدى سىناپپەن وڭدەگەنىن راستادى.
«سپورتشىنىڭ بۇل ارەكەتىن اقتاۋعا بولمايدى، سوندىقتان ول رەسپۋبليكانىڭ شاحمات فەدەراتسياسىنان شىعارىلدى. الداعى ۋاقىتتا ونىڭ ارەكەتىنە قۇقىق قورعاۋ ورگاندارى قۇقىقتىق باعا بەرەدى»، - دەپ ءبولىستى ول تاسس اگەنتتىگىنە.
ول شاحماتشى قىزدىڭ ءومىر بويىنا سپورتتان شەتتەتىلۋى مۇمكىن ەكەنىن اتاپ ءوتتى.
ايتا كەتەيىك، 2-تامىزدا داعىستاندا اباكاروۆا ويىن كەزىندە قارسىلاسى وسمانوۆانى ۋلاماق بولعان. بويجەتكەن بۇل جەكە دۇشپاندىعىنا بايلانىستى يمپۋلسيۆتى شەشىم ەكەنىن جانە شاحمات پەن تۋرنيرگە ەشقانداي قاتىسى جوق ەكەنىن ايتتى.
1bol.kz
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан