«قارمەت» كومپانياسى كەڭەيتىلەدى - ونەركاسىپ ءمينيسترى

استانا. KAZINFORM - قازاقستاندا مىس ءوندىرۋ كولەمى ەكى ەسە ارتادى. بۇل تۋرالى ق ر ونەركاسىپ جانە قۇرىلىس ءمينيسترى قانات شارلاپايەۆ ءمالىم ەتتى.

«بيىلعى ءبىرىنشى توقسانداعى قورىتىندى بويىنشا مەتاللۋرگيا ونەركاسىبىندە ءوندىرىستىڭ ءوسۋى 4,3 پايىزدى قۇرادى. جىل سوڭىنا دەيىن بولات وڭدەۋ كاسىپورىندارىنىڭ («Qarmet» ا ق)، «ك س پ ستيل» ج ش س، «Shymkent Temir» ج ش س، «Ferrum Vtor» ج ش س، «كازفەرروستال» ج ش س، «Forever Flourishing (Middle Asia) Pty LTD» ج ش س) ءونىم كولەمىن 4 ميلليون تونناعا دەيىن ۇلعايتۋ (3,923 - دان 4 ميلليون تونناعا دەيىن)، تەگىس پروكات ءوندىرىسىن 2,6 ميلليون تونناعا دەيىن (2,456 - دان 2,550 ميلليون تونناعا دەيىن) جانە شويىن ءوندىرىسىن 3 ميلليون تونناعا دەيىن (2,865 دان 2,950 ميلليون تونناعا دەيىن) ءوسىرۋ جوسپارلانعان»، - دەدى ق. شارلاپايەۆ پارلامەنت ماجىلىسىندەگى ۇكىمەت ساعاتىندا.

سونىمەن قاتار ول مىس بويىنشا ءوسۋ كولەمى (419-دان 452 مىڭ تونناعا دەيىن) «قازمىرىش» ج ش س (114,2 پايىز، 42-دەن 48 مىڭ تونناعا دەيىن)، «قازاقمىس كورپوراتسياسى» (114 پايىز 214-تەن 244 مىڭ تونناعا دەيىن) جانە «KAZMinerals توبى» (100 پايىز، 121 مىڭ توننا) ەسەبىنەن قامتاماسىز ەتىلەتىنىن ايتتى.

مىرىش (101 پايىز، 280 دەن 285 مىڭ تونناعا دەيىن) جانە قورعاسىن (101 پايىز، 95-تەن 97 مىڭ تونناعا دەيىن) بويىنشا «قازمىرىش» ج ش س، ال اليۋميني بويىنشا ءوسىم «ك ە ز» ا ق- نىڭ (261-دەن 265 مىڭ تونناعا دەيىن) ەسەبىنەن قامتاماسىز ەتىلەدى.

«ورتا مەرزىمدى پەرسپەكتيۆادا 2029 -جىلعا دەيىن اباي وبلىسىنداعى جاڭا مىس بالقىتۋ زاۋىتىنىڭ جوباسىن ىسكە اسىرۋ ەسەبىنەن مىس ءوندىرۋ كولەمىن 450 مىڭنان 1 ميلليون تونناعا دەيىن ەكى ەسە ۇلعايتۋ جوسپارلانعان. جوبانى ىسكە اسىرۋ ەكسپورتتالاتىن مىس كونتسەنتراتىنىڭ بارلىق كولەمىن قايتا وڭدەۋگە مۇمكىندىك بەرەدى. «Qarmet» ج ش س-نىڭ كەڭەيۋى، سونداي-اق قۋاتى 1,2 ميلليون توننا بولاتىن ارنايى ماقساتتاعى («كازاحستال») بولات ءوندىرۋ بويىنشا جاڭا جوبالاردى ىسكە اسىرۋ ەسەبىنەن بولات ءوندىرىسى 10 ميلليون تونناعا دەيىن ارتادى. مۇنىمەن قوسا، ERC كومپانياسى BAOWU Steel كومپانياسىمەن بىرىگىپ رۋدنىي قالاسىندا تەمىر كەنى شيكىزاتىن تەرەڭدەتىپ وڭدەۋدى ىسكە قوسۋدى جوسپارلاپ وتىر. ىستىق بريكەتتەلگەن تەمىر ءوندىرىسى بولات ءوندىرىسى ءۇشىن 100 پايىز شيكىزات بازاسىن قامتاماسىز ەتۋگە مۇمكىندىك بەرەدى»، - دەدى مينيستر.

اۆتور

رۋسلان عابباسوۆ