استانا. KAZINFORM — «بۇگىن LIVE» ستۋدياسىندا جاڭا تۋىندىنىڭ تۇساۋى كەسىلدى. تىكەلەي ەفيردە قالىڭ كورەرمەنگە جول تارتقان «ساۋىت» مۋزىكالىق بەينەبايانى Jibek Joly تەلەارناسىنىڭ تاپسىرىسىمەن تۇسىرىلگەن.
ەل رۋحىن كوتەرەتىن اۋەزدى ءاندى يبراگيم ەسكەندىر ورىندايدى. ق ر قورعانىس مينيسترلىگىمەن بىرلەسىپ جاسالعان جوبا ەلىمىزدىڭ قارۋلى كۇشتەرىنىڭ ەليتالىق ءبولىمى - ارنايى وپەراتسيالار كۇشتەرىنە ارنالادى.
- «ساۋىت» بەينەبايانى - ەرلىك پەن بىرلىككە ارنالعان گيمن. كاسپي تەڭىزىندەگى وپەراتسيالار، تاۋلى ايماقتاعى كۇردەلى تاپسىرمالار، شتۋرم ارەكەتتەرى مەن تىكۇشاقتان تۇسىرىلگەن اسەرلى كادرلار. مۇنىڭ ءبارى - وتان قورعاۋ ىسىندەگى ۇيلەسىمدىلىكتى كورسەتەدى، - دەيدى تەلەارنا قىزمەتكەرلەرى.
ايتا كەتەيىك، بۇعان دەيىن استانادا وتەتىن جەڭىس پارادىندا كورەرمەندەردى نە كۇتىپ تۇرعانىن جازعان ەدىك.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.