قاراقالپاقستانداعى كيىز ءۇي گيننەستىڭ رەكوردتار كىتابىنا ەندى

استانا. KAZINFORM - جاقىندا وزبەكستان پرەزيدەنتى كاسىپكەرلەرمەن ديالوگ وتكىزگەن نۇكىس قالاسىنداعى «وق كۋش» كەشەنىندەگى كيىز ءۇي الەمدەگى ەڭ ۇلكەن كيىز ءۇي رەتىندە گيننەستىڭ رەكوردتار كىتابىنا ەندى. قۇرىلىمنىڭ ديامەترى 40,5 مەتردى قۇرايدى.

قاراقالپاقستان استاناسى نۇكىس قالاسىنداعى «وق كۋش» كەشەنىندە سالىنعان كيىز ءۇي قوزعالمايتىن كيىز ءۇي رەتىندە گيننەستىڭ رەكوردتار كىتابىنا ەنگىزىلگەن.

22-تامىزدا گيننەستىڭ رەكوردتار كىتابى وكىلدەرىنىڭ سەرتيفيكات تابىستاۋ ءراسىمى ءوتتى. وعان قاراقالپاقستان جوقارعى كەڭەسىنىڭ ءتوراعاسى امانباي ورىنبايەۆ، قاراقالپاقستان پرەزيدەنتىنىڭ ارال ءوڭىرىن تۇراقتى دامىتۋ جونىندەگى كەڭەسشىسى تۇرسىنحان حۋدايبەرگەنوۆ جانە باسقالار قاتىستى. بيىكتىگى 22 مەترلىك قۇرىلىستى «Orol Agro» كومپانياسى تۇرعىزعان.

20-تامىزدا وسى كيىز ۇيدە وزبەكستان پرەزيدەنتى شاۆكات ميرزيەيەۆ پەن كاسىپكەرلەردىڭ جىل سايىنعى ديالوگى ءوتتى. مۇندا ءتۇرلى مادەني شارالار مەن فورۋمدار وتكىزۋ جوسپارلانعان.

اۆتور

ەركەجان سماعۇلوۆا