تاشكەنت. Kazinform - وزبەكستاننىڭ ەكولوگيا، قورشاعان ورتانى قورعاۋ جانە كليماتتىڭ وزگەرۋى مينيسترلىگىنە قاراستى امۋداريا قۇيىلىسىنداعى مەملەكەتتىك بيوسفەرالىق رەزەرۆاتىنىڭ قىزمەتكەرلەرى 3 بۇحار بۇعىسىن (توعاي كەرمارالى نەمەسە لات. Cervus elaphus bactrianus) اۋلاعانى انىقتالدى. جاعدايدى قاراقالپاقستان رەسپۋبليكاسى بيرۋني اۋدانى ءى ءى ب زەردەلەدى، دەپ حابارلايدى Kazinform مينيسترلىكتىڭ باسپا ءسوز قىزمەتىنە سىلتەمە جاساپ.
زەرتتەۋ بارىسىندا اڭشى مىلتىعىمەن ءبىر اتالىق جانە ەكى انالىق بۇعىنىڭ ولتىرىلگەنى بەلگىلى بولدى. وقيعا ورنىن تەكسەرۋ كەزىندە قورىقتاعى قوسالقى جەرىنەن شولاق مىلتىق وعىنىڭ 2 پلاستيك سىنىقتارى، قان ءتارىزدى قىزىل داقتار جانە شولاق مىلتىق تابىلدى. شولاق مىلتىق زاتتاي ايعاق رەتىندە الىندى.
وزبەكستاننىڭ « قىزىل كىتابىنا» ەنگەن بۇحار بۇعىسىن ءولتىرۋ ناتيجەسىندە جانۋارلار دۇنيەسىنە جالپى سوماسى 3 ميلليارد 375 ميلليون سۋم (1 تەڭگە - 25,80 سۋم) ماتەريالدىق شىعىن كەلتىرىلگەن.
جاعدايعا قاتىستى ازامات م. ق. وزبەكستان رەسپۋبليكاسى قىلمىستىق كودەكسىنىڭ 202-بابى 3-بولىگىندە كوزدەلگەن قىلمىستى جاسادى دەگەن كۇدىكپەن قاماۋعا الىندى. قازىرگى ۋاقىتتا بيرۋني اۋداندىق ءى ءى ب-نىڭ تەرگەۋ ءبولىمى تاراپىنان قىلمىستىق ءىس قوزعالىپ، سوتقا دەيىنگى تەرگەۋ جۇمىستارى جۇرگىزىلۋدە.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.