«قازاۆتوجول» ۇ ك» ا ق مالىمەتىنشە، رەسپۋبليكالىق ماڭىزى بار ءۇش اۆتوجولدا ورتاشا جىلدامدىقتى باقىلايتىن التى ايماق ىسكە قوسىلادى. باقىلاۋ ەنگىزىلەتىن باعىتتار:
1. الماتى - قورعاس (جاڭارتىلدى) ۇيعىر - پانفيلوۆ ايماعى - 50 832 ك م، رۇقسات ەتىلگەن جىلدامدىق - 120 ك م/ساع.
2. قاراعاندى - بۇرىلبايتال شۇبارتۇبەك - گۇلشات ايماعى - 42 158 ك م، رۇقسات ەتىلگەن جىلدامدىق - 140 ك م/ساع.
گۇلشات - تاسارال ايماعى - 42 550 ك م، رۇقسات ەتىلگەن جىلدامدىق - 140 ك م/ساع.
3. قىزىلوردا - ارال اقجارما - اقجار ايماعى - 48 239 ك م، رۇقسات ەتىلگەن جىلدامدىق - 100 ك م/ساع. اقجار - 103-رازەزد ايماعى - 122 421 ك م، رۇقسات ەتىلگەن جىلدامدىق - 100 ك م/ساع.
103-رازەزد - ايتەكە بي ايماعى - 95 871 ك م، رۇقسات ەتىلگەن جىلدامدىق - 100 ك م/ساع.
جۇيەنىڭ باستى ەرەكشەلىگى - كولىك جىلدامدىعى تەك كامەرا ورناتىلعان جەردە ەمەس، بۇكىل باقىلاۋ ايماعىندا ەسەپتەلەدى. ارنايى قۇرىلعىلار كولىكتىڭ باقىلاۋ ايماعىنا كىرگەن جانە ودان شىققان ۋاقىتىن تىركەيدى. وسى مالىمەتتەر نەگىزىندە ءجۇرىپ وتكەن قاشىقتىق پەن جۇمسالعان ۋاقىت ەسەپكە الىنىپ، ورتاشا جىلدامدىق اۆتوماتتى تۇردە انىقتالادى. ەگەر جۇرگىزۋشى بەلگىلەنگەن جىلدامدىق شەگىنەن اسسا، قۇقىق بۇزۋشىلىق تۋرالى مالىمەت ءتيىستى ۋاكىلەتتى ورگاندارعا جولدانادى.
جاڭا باقىلاۋ ايماقتارىن ەنگىزۋدەگى باستى ماقسات - جول-كولىك وقيعالارىنىڭ الدىن الۋ، قوزعالىس قاۋىپسىزدىگىن ارتتىرۋ جانە جۇرگىزۋشىلەردىڭ جول ەرەجەلەرىن ساقتاۋىنا ىقپال ەتۋ. «قازاۆتوجول» ۇ ك» ا ق جۇرگىزۋشىلەردى ساپار بويى بەلگىلەنگەن جىلدامدىقتى ساقتاۋعا، جول مەن اۋا رايى جاعدايىن ەسكەرۋگە شاقىرادى.
24.kz