قاراعاندىدا مۇنارا كرانى ورتەندى

استانا. KAZINFORM - قاراعاندىدا ت ج م قىزمەتكەرلەرى مۇنارا كرانىنىڭ ءورتىن ءسوندىردى. بۇل تۋرالى توتەنشە جاعدايلار مينيسترلىگىنىڭ باسپا ءسوز قىزمەتى ءمالىم ەتتى.

بۇگىن تاڭەرتەڭ كرىلوۆ كوشەسىندە جاڭا عيماراتتىڭ اۋماعىندا، 6-قابات دەڭگەيىندە مۇنارا كرانىنىڭ كابيناسى جاندى. ءورت الاڭى 4 شارشى مەتردى قۇرادى.

- قۇتقارۋشىلاردىڭ ۇيلەسىمدى جۇمىسىنىڭ ارقاسىندا ءورت جەدەل تۇردە ءسوندىرىلدى. زارداپ شەككەندەر جوق، - دەلىنگەن ۆەدومستۆو حابارلاماسىندا.

ت ج م كاسىپكەرلەردى ءورت قاۋىپسىزدىگى تالاپتارىن قاتاڭ ساقتاۋعا شاقىرادى.

بۇعان دەيىن، ورالدا دۇكەن ورتەنىپ، 20 ادام ەۆاكۋاتسيالانعانى انىقتالدى.

سونداي-اق، الماتى ماڭىنداعى جيھاز سەحىندا ءورت شىققانىن حابارلاعانبىز.

بۇدان بولەك، اتىراۋدا ءيتتى ۇرىپ، ورتەپ ولتىرگەن ەكى ادامنىڭ باس بوستاندىعى 6 ايعا شەكتەلگەنى بەلگىلى بولدى.