«قازىرگى ۋاقىتتا بەس بالا ەمدەلىپ جاتىر. نەگىزگى دياگنوز - ۋلى زاتپەن ۋلانۋ بويىنشا بارلىق بالا ساۋىقتى. بالالار وڭالتۋ بولىمىندە جاتىر. ولار 21 كۇن بويى وڭالتۋ كۋرسىن الادى. وقيعا سەبەبىن انىقتاۋ بويىنشا تەرگەۋ ورگاندارى، ونىڭ ىشىندە پروكۋراتۋرا ءالى دە تەكسەرۋ جۇرگىزۋدە. تەكسەرۋ اياقتالعان جوق»، - دەدى دەنساۋلىق ساقتاۋ ءمينيسترى ۇكىمەتتە وتكەن باسپا ءسوز ءماسليحاتىندا.
سونداي-اق، مەديتسينالىق-الەۋمەتتىك ورتالىق قىزمەتكەرلەرى جۇمىسقا قايتا ورالعان.
«ولار تەرگەۋگە شاقىرىلدى، سوندىقتان جۇمىسى ۋاقىتشا توقتاتىلعان ەدى. قازىر جۇمىستارىنا قايتا ورالدى»، - دەدى اجار عينيات.
ايتا كەتەيىك، قاراعاندى وبلىسىنىڭ بالالارعا ارناۋلى الەۋمەتتىك قىزمەت كورسەتۋ ورتالىعىندا بالالاردىڭ جاپپاي ۋلانۋ دەرەگى تىركەلگەن ەدى. سالدارىنان ءبىر بالا قايتىس بولىپ، 6 ۋى ۋلاندى.