قاراعاندى. KAZINFORM - قاراعاندىدا اۆتوكولىك جۇرگىزۋشىسى جابىق شلاگباۋمدى ەلەمەي، تەمىر جولعا شىعىپ كەتىپ، جول-كولىك وقيعاسىنا سەبەپكەر بولدى. اپات سالدارىنان ەكى ادام قايتىس بولدى، تاعى ۇشەۋى اۋرۋحاناعا جەتكىزىلدى.
اپات 21-قاڭتاردا تاڭەرتەڭ بولدى.
«31 جاستاعى «لادا پريورا» اۆتوكولىگىنىڭ جۇرگىزۋشىسى ساران تاس جولىمەن كوستەنكو شاحتاسى جاعىنان «تويوتا ورتالىعىنا» قاراي كەلە جاتىپ، رەتتەلەتىن تەمىرجول وتكەلىندە جابىق شلاگباۋمدى اينالىپ ءوتىپ، تەپلوۆوز ءجۇرىپ بارا جاتقان تەمىرجول وتكەلىنە شىعىپ كەتكەن. اپات سالدارىنان اۆتوكولىكتىڭ ەكى جولاۋشىسى وقيعا ورنىندا قايتىس بولدى. اۆتوكولىكتىڭ جۇرگىزۋشىسى جانە تاعى ءۇش جولاۋشى مەديتسينالىق مەكەمەگە جەتكىزىلدى»، - دەپ حابارلادى قاراعاندى وبلىسى پ د باسپا ءسوز قىزمەتى.
اتالمىش ءىس بويىنشا سوتقا دەيىنگى تەرگەۋ باستالدى. تەپلوۆوزدان بەينەباقىلاۋ كامەرالارىنىڭ جازبالارى الىندى. ءتيىستى ساراپتامالار تاعايىندالدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан