قاراعاندىدا جارىلىستان كۇيىپ قالعان ەكى ادامنىڭ قازىرگى جاعدايى قالاي

قاراعاندى. KAZINFORM - قاراعاندى وبلىسىنىڭ دەنساۋلىق ساقتاۋ باسقارماسى ەكى پاتەرلى تۇرعىن ۇيدەگى جارىلىستان زارداپ شەككەن ەكى ادامنىڭ جاعدايى تۋرالى حابارلادى. ونىڭ ءبىرى اۋىر جاعدايدا جاتىر.

«ەر ادام رەانيماتسياعا جاتقىزىلدى. دەنەسىنىڭ @ كۇيىك شالعان. جاعدايى اۋىر. قىز بالانىڭ حالى ورتاشا اۋىر. باسى مەن اياقتارى بىرنەشە جەرىنەن جارالانعان. اۋرۋحاناعا جاتقىزىلدى، حيرۋرگيالىق كومەكتىڭ قاجەتى جوق، كونسەرۆاتيۆتى ەم جاسالىپ جاتىر»، - دەپ ءتۇسىندىردى قاراعاندى وبلىسىنىڭ دەنساۋلىق ساقتاۋ باسقارماسى.

ەسكە سالا كەتەيىك، بۇگىن تاڭعى 03:30 شاماسىندا قاراعاندى قالاسىندا ەكى وتباسىنا ارنالعان تۇرعىن ۇيدە جارىلىس بولدى.

ءۇيدى جىلىتاتىن بۋ قازاندىعى جارىلىپ، سالدارىنان عيمارات وپىرىلىپ قالعان.

ت ج د كۇشىمەن ءۇيىندى استىنان 1966-جىلى تۋعان ەر ادام مەن 2008-جىلى تۋعان قىز بالا شىعارىلىپ، مەديتسينالىق جەدەل جاردەم بريگاداسىنا بەرىلدى.

كەيىن قاراعاندىلىق توتەنشە جاعداي ماماندارى جەر ۇيدە بولعان جارىلىستىڭ الدىن الا سەبەبىن ايتتى.