قاراعاندىدا دارىگەرلەرگە قول كوتەرگەن ەكى ادام جازالاندى

قاراعاندى. KAZINFORM - قاراعاندىداعى وبلىستىق بالالار اۋرۋحاناسىندا دارىگەرلەرگە شابۋىل جاساعان ەر ادام ەكى اي مەرزىمگە قاماۋعا الىندى. ونىمەن بىرگە بولعان ەكىنشى ازامات 10 تاۋلىككە قامالدى، دەپ حابارلايدى Kazinform اگەنتتىگىنىڭ ءتىلشىسى.

قاراعاندى وبلىستىق پوليتسيا دەپارتامەنتىنىڭ مالىمەتىنشە، دارىگەرلەردى ۇرىپ-سوعۋ دەرەگى بويىنشا قىلمىستىق ءىس قوزعالعان. سوتتىڭ سانكسياسىمەن باستى كۇدىكتى ەكى ايعا ۋاقىتشا ۇستاۋ يزولياتورىنا قامالدى.

وقيعاعا قاتىسى بار ەكىنشى ازامات - نەگىزگى كۇدىكتىنىڭ جاقىن تۋىسى - پوليتسيا قىزمەتكەرلەرىنىڭ زاڭدى تالابىنا باعىنباعانى جانە مەديتسينا قىزمەتكەرلەرىنە بالاعات سوزدەر ايتقانى ءۇشىن جاۋاپقا تارتىلدى.

- ك. ەسىمدى ازاماتتىڭ كىناسى بەينەباقىلاۋ كامەراسىنداعى جازبالار مەن جيناقتالعان ءىس ماتەريالدارى نەگىزىندە دالەلدەندى. قاراعاندى قالاسىنىڭ مامانداندىرىلعان اكىمشىلىك سوتىنىڭ قاۋلىسىمەن ول ق ر اكىمشىلىك قۇقىق بۇزۋشىلىق تۋرالى كودەكسىنىڭ 80-1-بابى 2-بولىگى (مەديتسينا قىزمەتكەرىنە قۇرمەت كورسەتپەۋ)، 434-بابى 1-بولىگى (ۇساق بۇزاقىلىق) جانە 667-بابى 1-بولىگى (پوليتسيا تالابىنا باعىنباۋ) بويىنشا كىنالى دەپ تانىلىپ، ا ق ب ت ك- ءنىڭ 58-بابى 2-بولىگىنە سايكەس 10 تاۋلىككە اكىمشىلىك قاماۋعا الىندى، - دەپ مالىمدەدى قاراعاندى قالاسىنىڭ مامانداندىرىلعان اكىمشىلىك سوتىنىڭ باسپا ءسوز قىزمەتى.

ايتا كەتەيىك، بۇل وقيعا 12 -ماۋسىم كۇنى بولعان. قاراعاندى وبلىسىنىڭ 38 جاستاعى تۇرعىنى مەديتسينالىق مەكەمەدە تۋىنداعان جانجال كەزىندە ەكى دارىگەرگە دەنە جاراقاتىن سالعان. پوليتسەيلەر ونى وقيعا ورنىندا ۇستاپ، ۋاقىتشا ۇستاۋ يزولياتورىنا قاماعان.

اۆتور

ايزادا اگيلبايەۆا