قاراعاندىدا اعا ۋاكىلەتتى وكىل سوتتالعان ادامدى ازاپتاعانى ءۇشىن سوتتالدى
قاراعاندى. KAZINFORM - قىلمىستىق ىستەر جونىندەگى مامانداندىرىلعان اۋدانارالىق سوت سوتتالعان ادامعا قاتىستى ازاپتاۋ ءىس-ارەكەتتەرىن جاساعان قاراعاندى وبلىسى جانە ۇلىتاۋ وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ اعا ۋاكىلەتتى وكىلىنە قاتىستى ۇكىم شىعاردى.
بۇل تۋرالى باس پروكۋراتۋرانىڭ باسپا ءسوز قىزمەتى حابارلادى.
قىزمەتكەر قىلمىستىق كودەكستىڭ 146-بابىنىڭ 2-بولىگى بويىنشا كىنالى دەپ تانىلىپ، 1 جىل 6 ايعا باس بوستاندىعىنان ايىرىلدى. سونداي-اق وعان 3 جىل بويى مەملەكەتتىك قىزمەتتە جانە قۇقىق قورعاۋ ورگاندارىنداقىزمەت اتقارۋعا تىيىم سالىنادى.
سوتتالۋشى «ادىلەت كاپيتانى» ارنايى اتاعىنان ايىرىلدى جانە ول جابىرلەنۋشىلەرگە وتەماقى تولەۋ قورىنا ايىپپۇل تولەيدى. مۇنداي قىلمىستاردىڭ الدىن الۋ ماقساتىندا وبلىس پروكۋراتۋراسى ق ا ج د قىزمەتكەرلەرى ءۇشىن سوت پروتسەسىن تىكەلەي ەفيردە كورسەتۋدى ۇيىمداستىردى.
سوتقا دەيىنگى تەرگەپ-تەكسەرۋدى وبلىس پروكۋراتۋراسىنىڭ سوتقا دەيىنگى تەرگەپ-تەكسەرۋ باسقارماسى جۇرگىزدى.
اۆتور
ەلميرا ورالبايەۆا