قاراعاندى وبلىسىندا تۇرعىنداردىڭ پاتەرلەرىن زاڭسىز يەمدەنىپ كەلگەن قىلمىستىق توپ قۇرىقتالدى
استانا. KAZIFORM - مامىر ايىندا قاراعاندى وبلىسى پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسى «قارا ريەلتورلار» دەپ اتالاتىن توپتىڭ زاڭسىز ارەكەتىن توقتاتتى، - دەپ حابارلايدى Polisia.kz.
توپ قۇرامىنا زاڭگەرلەر، ادۆوكاتتار جانە نوتاريۋس كىرگەن.
ولار قورقىتۋ جانە زورلىق-زومبىلىق كورسەتۋ ارقىلى زەينەتكەرلەردىڭ، مۇمكىندىگى شەكتەۋلى ادامداردىڭ جانە الكوگول مەن ەسىرتكىگە تاۋەلدى ادامداردىڭ مۇلىكتەرى مەن پاتەرلەرىن زاڭسىز راسىمدەۋمەن اينالىسقان.
وسىلايشا ولار 14 پاتەردى زاڭسىز راسىمدەگەن. قىلمىستىق توپتىڭ بەلسەندى ءبىر مۇشەسى دەسترۋكتيۆتى ءدىني اعىمنىڭ جاقتاۋشىسى بولىپ تابىلادى.
- 13-مامىردا ءتىنتۋ ءىس-شارالارىن جۇرگىزۋ بارىسىندا ءارتۇرلى جىلجىمايتىن مۇلىك پەن جەكە تۇلعالاردىڭ جەكە دەرەكتەرىنە قاتىستى كوپتەگەن قۇجاتتار تاركىلەندى. قىلمىستىق توپتىڭ 28 مۇشەسى ۇستالدى. ولاردىڭ وسىنداي باسقا دا قىلمىستارعا قاتىسى بار-جوعى تەكسەرىلۋدە. تەرگەۋ اسا ءىرى مولشەردەگى الاياقتىق فاكتىسى بويىنشا جۇرگىزىلىپ جاتىر، - دەدى ءى ءى م ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.
اۆتور
ايدار وسپاناليەۆ