قاراعاندى وبلىسىندا اۆتوبۋس پەن كولىك سوقتىعىسىپ، 5 ادام قازا تاپتى
09:42, 15 - شىلدە 2024
قاراعاندى. KAZINFORM - «الماتى- ەكاتەرينبۋرگ» تاسجولىندا ءىرى جول اپاتى بولدى.
14-شىلدە كۇندىزگى ساعات 12.00 شاماسىندا اقشاتاۋ كەنتىنەن 30 شاقىرىم جەردە «الماتى- ەكاتەرينبۋرگ» تاسجولىندا قاراعاندى قالاسىنا بارا جاتقان اۆتوبۋس پەن «تويوتا ەستيما» كولىگى سوقتىعىسقان.
سالدارىنان «تويوتا ەستيما» اۆتوكولىگىنىڭ 4 جولاۋشىسى جانە اۆتوبۋستىڭ ءبىر جولاۋشىسى وقيعا ورنىندا قايتىس بولدى.
11 ادام ءارتۇرلى دەنە جاراقاتىمەن اۋرۋحاناعا جەتكىزىلدى.
اتالعان دەرەك بويىنشا قىلمىستىق ءىس قوزعالىپ، ءتيىستى ساراپتامالار تاعايىندالدى. تەرگەۋ امالدارى جۇرگىزىلىپ جاتىر.
قاراعاندى وبلىسىنىڭ پوليتسيا دەپارتامەنتى جۇرگىزۋشىلەردەن جول ءجۇرۋ ەرەجەسىن قاتاڭ ساقتاپ، جىلدامدىقتى شەكتەن تىس اسىرماۋدى سۇرايدى.