قاراعاندى وبلىسىندا 1000 شاقىرىمنان استام جول جوندەلەدى
قاراعاندى. KAZINFORM - بيىل قاراعاندى وبلىسىندا 1029 شاقىرىم اۆتوموبيل جولى جوندەلەدى. وڭىرلىك كوممۋنيكاتسيالار قىزمەتى الاڭىندا وتكەن بريفينگتە جولاۋشىلار كولىگى جانە اۆتوموبيل جولدارى باسقارماسى باسشىسىنىڭ ورىنباسارى ماقسات مۇقاشيەۆ جولداردى جوندەۋ جانە سالۋ تۋرالى بايانداپ بەردى.
ساكەن سەيفۋللين-ۋسپەن-اعادىر تاسجولىنىڭ 26 شاقىرىمىندا، سونداي-اق اقسۋ-ايۋلى-اقتوعاي تاسجولىنىڭ 57 شاقىرىمىندا ورتاشا جوندەۋ جۇمىستارى جۇرگىزىلمەك. ۇزىندىعى 10 شاقىرىم اقتاس- ساران ۋچاسكەسىندە كولىك قوزعالىسىنىڭ قارقىندىلىعىنا بايلانىستى ونداعى جول جوندەۋ جۇمىستارىنىڭ ماڭىزى كوپ. بۇل جەردە ەكى قابات اسفالت توسەۋ جوسپاردا بار.
«قارقارالى- قوياندى ۋچاسكەسىن ورتاشا جوندەۋ جانە ۇزىندىعى 19 شاقىرىم ساران- شاحتينسك اۆتوجولىن كۇردەلى جوندەۋ، شەرۋباي- نۇرا وزەنى ارقىلى وتەتىن كوپىردى قايتا جاڭعىرتۋ جۇمىستارى جالعاسادى. تاسجولدىڭ نۇرا - وساكاروۆكا ۋچاسكەسىنىڭ 20 شاقىرىمدىق بولىگىندە قايتا جاڭعىرتۋ جۇمىستارى جۇرگىزىلەدى. 19 ك م اسفالتپەن ءجۇرۋ قامتاماسىز ەتىلگەن. قوزعالىس ءۇشىن اشىق اۋماقتا جول جيەكتەرىن نىعايتۋ جانە توسقاۋىلدى قورشاۋ ورناتۋ جۇمىستارى جۇرگىزىلدى. اباي اۋدانىندا جارتاس - دولينكا تاسجولىنىڭ 21- شاقىرىمدىق بولىگىن قايتا جوندەۋ جۇمىستارى جالعاسۋدا. جولدىڭ 18 شاقىرىمىندا اسفالتبەتوننىڭ ۇستىڭگى قاباتىندا وتكەل بار. جۇمىستار جالعاسادى»، - دەدى م. مۇقاشيەۆ.
بيىل قارقاعاندى- قارقالى تاسجولىندا ورتاشا جوندەۋ جۇمىستارى جالعاسادى، وندا 52 شاقىرىمدى قامتۋ جوسپارلانىپ وتىر. قالا اۋەجايىنان ۇشتوبە اۋىلى ارقىلى قاراعاندىعا جانە كەرى باعىتقا بالاما شىعۋ قىزمەتىن اتقاراتىن ۇشتوبە - قۇرىلىس اۆتوجولىنىڭ 9 شاقىرىمدىق بولىگىن قايتا جاڭعىرتۋ جۇمىستارى جالعاستى. تەمىرتاۋ - توكاريەۆكا تاسجولىنداعى نۇرا وزەنى ارقىلى وتەتىن كوپىردى قايتا جاڭعىرتۋ جۇمىستارى جۇرگىزىلىپ جاتىر. جوبانى جۇزەگە اسىرۋ جول قاۋىپسىزدىگىن جاقسارتىپ، عابيدەن مۇستافين اتىنداعى اۋىل تۇرعىندارىنىڭ جول ءجۇرۋ ۋاقىتىن قىسقارتادى.
سونداي-اق قاراعاندى- جەزقازعان جانە شاحان- مولودەتسكوە اۆتوموبيل جولدارىن قايتا جاڭعىرتۋدىڭ جوبالىق- سمەتالىق قۇجاتتاماسىن ازىرلەۋ جۇمىستارىن جۇرگىزۋ قولعا الىنعان.
اۆتور
زارينا تۋعانبايەۆا