«قاراعاندى-بالقاش» اۆتوجولى توسەمىنەن شيكىلىك شىقتى - انتيكور

استانا. KAZINFORM - انتيكوردىڭ ارالاسۋىنان كەيىن «قاراعاندى-بالقاش» اۆتوجولىن قايتا جاڭارتۋ كەزىندە انىقتالعان اقاۋلار جويىلدى. بۇل تۋرالى اگەنتتىكتىڭ باسپا ءسوز قىزمەتى ءمالىم ەتتى.

مەملەكەت باسشىسىنىڭ تاپسىرماسىن ورىنداۋ شەڭبەرىندە سىبايلاس جەمقورلىققا قارسى قىزمەت جولداردى سالۋ جانە جوندەۋ سالاسىنداعى جەمقورلىق تاۋەكەلدەرىنە سىرتقى تالداۋ جۇرگىزىپ جاتىر.

«جول قۇرىلىسى ساپاسىنا تۇراقتى اشىق باقىلاۋدى قامتاماسىز ەتۋ ءۇشىن ەلىمىزدىڭ بارلىق وڭىرلەرىندە مونيتورينگتىك جۇمىس توپتارى قۇرىلدى. ونىڭ قۇرامىنا ۋاكىلەتتى ورگاننىڭ، «قازاۆتوجول» فيليالدارىنىڭ، جول اكتيۆتەرى ساپاسىنىڭ ۇلتتىق ورتالىعىنىڭ وكىلدەرى، سونداي-اق جەمقورلىققا قارسى ەرىكتىلەر كىردى»، - دەپ حابارلادى اگەنتتىكتىڭ باسپا ءسوز قىزمەتى.

قاراعاندى وبلىسىندا «ر ف شەكاراسى (ەكاتەرينبۋرگ) - الماتى» رەسپۋبليكالىق ماڭىزى بار تراسساسىن، «قاراعاندى - بالقاش» جانە «بالقاش - بۋرىلبايتال» ۋچاسكەلەرىن قوسا العاندا، جامبىل وبلىسىمەن شەكاراعا دەيىنگى سەگىز اۆتوموبيل جولىنىڭ قۇرىلىس بارىسى تالداندى.

ءمالىم بولعانداي، ماماندار شەت اۋدانىنىڭ ماڭىنداعى «قاراعاندى - بالقاش» اۆتوجولىنىڭ ۋچاسكەسىنە مونيتورينگ جۇرگىزۋ بارىسىندا جولدى قايتا جاڭارتۋ كەزىندە اقاۋلار انىقتالعان.

«جابىن اقاۋلارىنىڭ نەگىزگى سەبەبى - جابىننىڭ تومەنگى قاباتى بويىمەن اۋىر جۇك كولىگىنىڭ قوزعالىسىنان تۇسەتىن جۇكتەمە، ويتكەنى قوزعالىس جول قاپتامالارىنىڭ ناقتى اياقتالماعان ديزاينى بويىنشا جۇزەگە اسىرىلادى. جول پايدالانۋعا بەرىلمەگەن، جۇمىستار جالعاسىپ جاتىر. كەمشىلىكتەردى جويۋدى تۇرىك قوسالقى مەردىگەرلەرى ءوز موينىنا الدى»، - دەلىنگەن حابارلامادا.

اقاۋلار جويىلدى جانە سىناق ناتيجەلەرى ستاندارتتارعا (ق ر س ت 1225-2019) سايكەس كەلەدى.

جابىننىڭ جوعارعى قاباتىن 2024 -جىلعى 30-تامىزعا دەيىن اياقتاۋ جانە جولدى 30-قاراشاعا دەيىن اباتتاندىرۋدى قامتاماسىز ەتۋ جوسپارلانىپ وتىر.

جۇمىس توبى جۇرتشىلىقپەن بىرلەسىپ، بيزنەس سۋبەكتىلەرىنىڭ قىزمەتىنە ارالاسپاي، اي سايىن باسقا وبەكتىلەرگە ۇقساس ساپارلار جۇرگىزەتىن بولادى.

بۇگىننەن باستاپ اقباستاۋ اۋىلىنان اقسۋ اۋىلىنا دەيىنگى 40 شاقىرىم ارالىقتا قوسىمشا قوزعالىس اشىلدى. جالپى اۆتوجولدىڭ 90 شاقىرىمىندا جول قوزعالىسى پايدالانۋعا بەرىلدى. بۇل تۋرالى «قازاۆتوجول» ۇ ق» ا ق باسپا ءسوز قىزمەتى ءمالىم ەتتى.

جول قاۋىپسىزدىگىن قامتاماسىز ەتۋ ماقساتىندا جىلدامدىق رەجيمى مەن جوندەۋ جۇمىستارىن حابارلايتىن توسقاۋىل جانە ۋاقىتشا جول بەلگىلەرى ورناتىلدى.

«جول پايدالانۋشىلاردى قاتاڭ تۇردە قاۋىپسىزدىك ەرەجەسىن ساقتاۋدى، ۋاقىتشا جول بەلگىلەرىنە نازار اۋدارۋدى جانە قايتا جاڭارتۋ ۋچاسكەسىندە جىلدامدىق رەجيمىن ساقتاۋدى سۇرايمىز»، - دەلىنگەن حابارلامادا.

اۆتور

باقىتگۇل اباي قىزى