قاراعاندى اينالما جولى اقىلى بولادى

استانا. KAZINFORM - قاراعاندى اينالما اۆتوموبيل جولىندا اقى الۋ جۇيەسى ەنگىزىلەدى. بۇل جايىندا كولىك ءمينيسترىنىڭ اشىق ن ق ا پورتالىندا جاريالانعان بۇيرىعىندا ايتىلعان.

قۇجاتقا سايكەس، ۇزىندىعى 48 شاقىرىم اقىلى اۆتوموبيل جولمەن ءجۇرىپ ءوتۋ ءۇشىن تولەم مولشەرلەمەلەرى كولىكتەردىڭ ساناتىنا قاراي مىناداي سوما بولماق:

- جەڭىل كولىكتەر ءۇشىن الدىن الا تولەم جاسالعاندا 260 تەڭگەنى، كەيىننەن تولەم جاسالعاندا 300 تەڭگە؛

- 16 ورىنعا دەيىنگى اۆتوبۋستار جانە جۇك كوتەرگىشتىگى 2,5 تونناعا (بۇدان ءارى – ت ن) دەيىن جۇك اۆتوموبيلدەرى ءۇشىن الدىن الا تولەم جاسالعاندا 650 تەڭگەنى، كەيىننەن تولەنگەندە 760 تەڭگە؛

- 32 ورىنعا دەيىنگى اۆتوبۋستار جانە جۇك كوتەرگىشتىگى 5,5 تونناعا دەيىن جۇك اۆتوموبيلدەرى ءۇشىن الدىن الا تولەم جاسالعاندا 1280 تەڭگە، كەيىننەن تولەنگەندە 1500 تەڭگە؛

- 32 ورىننان اساتىن اۆتوبۋستار جانە جۇك كوتەرگىشتىگى 10 تونناعا دەيىن اۆتوپوەزدار ءۇشىن الدىن الا تولەم جاسالعاندا 1910 تەڭگە، كەيىننەن تولەنگەندە 2250 تەڭگە؛

- جۇك كوتەرگىشتىگى 10 توننادان جوعارى 15 تونناعا دەيىنگى جۇك اۆتوموبيلدەرى ءۇشىن الدىن الا تولەم جاسالعاندا 2570 تەڭگە، كەيىننەن تولەنگەندە 3020 تەڭگە؛

- جۇك كوتەرگىشتىگى 15 توننادان جوعارى، ونىڭ ىشىندە تىركەلگىش جانە ەرشىكتى تارتقىشتار ءۇشىن الدىن الا تولەم جاسالعاندا 3200 تەڭگە، كەيىننەن تولەنگەندە 3760 تەڭگە بولادى.

اۆتوكولىك قۇرالىنىڭ تۇرىنە جانە جۇك كوتەرگىشتىگىنە بايلانىستى جەرگىلىكتى اۆتوكولىك ءۇشىن 1 ايلىق جانە 1 جىلدىق ابونەمەنتتەر قاراستىرىلعان. اتاپ ايتقاندا:

- جەڭىل كولىكتەر ءۇشىن 1 ايلىق ابونەمەنت قاراستىرىلماعان، ال 1 جىلعا 3692 تەڭگە؛

- 16 ورىنعا دەيىنگى اۆتوبۋستار جانە جۇك كوتەرگىشتىگى 2,5 تونناعا (بۇدان ءارى – ت ن) دەيىن جۇك اۆتوموبيلدەرى ءۇشىن 1 ايعا 7384 تەڭگە، 1 جىلعا 73840 تەڭگە؛

- 32 ورىنعا دەيىنگى اۆتوبۋستار جانە جۇك كوتەرگىشتىگى 5,5 تونناعا دەيىن جۇك اۆتوموبيلدەرى ءۇشىن 1 ايعا 14768 تەڭگە، 1 جىلعا 147680 تەڭگە؛

- 32 ورىننان اساتىن اۆتوبۋستار جانە جۇك كوتەرگىشتىگى 10 تونناعا دەيىن اۆتوپوەزدار ءۇشىن 1 ايعا 22152 تەڭگە، 1 جىلعا 221520 تەڭگە؛

- جۇك كوتەرگىشتىگى 10 توننادان جوعارى 15 تونناعا دەيىنگى جۇك اۆتوموبيلدەرى ءۇشىن 1 ايعا 29536 تەڭگە، 1 جىلعا 295360 تەڭگە؛

- جۇك كوتەرگىشتىگى 15 توننادان جوعارى، ونىڭ ىشىندە تىركەلگىش جانە ەرشىكتى تارتقىشتار ءۇشىن 1 ايعا 36920 تەڭگە، 1 جىلعا 369200 تەڭگە بولادى.

ايتا كەتەيىك، قاراعاندى اينالما جولىن اقىلى نەگىزدە پايدالانۋ مەرزىمى 20 جىل دەپ بەلگىلەنبەك. بۇيرىق جوباسى 9 -قىركۇيەككە دەيىن قوعامدىق تالقىلاۋعا شىعارىلىپ وتىر.

بۇعان دەيىن انتيكوردىڭ ارالاسۋىنان كەيىن «قاراعاندى- بالقاش» اۆتوجولىن قايتا جاڭارتۋ كەزىندە انىقتالعان اقاۋلار جويىلعانىن جازعان بولاتىنبىز.

اۆتور

مارلان جيەمباي