سوت وتىرىسى قالالىق قىلمىستىق ىستەر جونىندەگى مامانداندىرىلعان اۋدانارالىق سوتىندا سۋديا ەرلان بولاتوۆتىڭ توراعالىعىمەن ءوتتى.
اتالعان ءىس بويىنشا 22 ادام ايىپتالۋشى دەپ تانىلدى. ۇيىمداسقان قىلمىستىق توپ 2017-2023 -جىلدار ارالىعىندا جۇمىس ىستەگەن. ونىڭ قۇرامىندا پسيحياتر- دارىگەرلەر، نوتاريۋس، ريەلتورلار جانە بۇرىن قۇقىق قورعاۋ سالاسىندا جۇمىس ىستەگەن قىزمەتكەرلەر بولعان.
ولارعا ادامداردى ۇرلاۋ، كىسى ءولتىرۋ جانە پسيحيكالىق اۋىتقۋى بار قارتتارعا زورلىق-زومبىلىق كورسەتىپ، باسپاناسىنان ايىرۋ بويىنشا ايىپ تاعىلدى. ىستە بارلىعى 37 ەپيزود بار.
قالالىق سوتتىڭ باسپا ءسوز قىزمەتىنىڭ حابارلاۋىنشا، سوت ۇكىمى بويىنشا كۇدىكتىلەر 3 جىلدان 18 جىلعا دەيىن باس بوستاندىعىنان ايىرۋ جازاسىنا كەسىلدى.
سوت ۇكىمى زاڭدى كۇشىنە ەنگەن جوق.
ەسكە سالايىق، 2018 -جىلى الماتىدا قاۋقارسىزداردىڭ پاتەرىن تارتىپ العان ريەلتورلار سوتتالعان بولاتىن.