قازاۆتوجول كومپانياسىنىڭ مالىمەتىنشە، بۇگىن اباي، الماتى، جەتىسۋ، باتىس قازاقستان جانە شىعىس قازاقستان وبلىستارىندا جاڭبىر ارالاس قار جاۋىپ، كەي جەرلەرگە قالىڭ قار تۇسەدى.
وسىعان بايلانىستى رەسپۋبليكالىق اۆتوجولداردىڭ جەكەلەگەن بولىكتەرىندە كورىنۋ قاشىقتىعى تومەندەپ، جول بەتى تايعاق بولۋى مۇمكىن.
- جۇرگىزۋشىلەرگە اۋا رايىن ەسكەرىپ، قاۋىپسىز اراقاشىقتىقتى ساقتاۋدى، جول جاعدايىنا قاراي جىلدامدىقتى تاڭداۋدى جانە وقىس مانيەۆر جاساماۋدى ۇسىنامىز، - دەپ ەسكەرتتى جول كومپانياسىنان.
ايتا كەتەيىك، بۇعان دەيىن بۇگىن قازاقستاننىڭ ءبىرقاتار وڭىرىندە اۋا رايى قۇبىلمالى بولاتىنىن جازدىق. كەي جەرلەردە نوسەر جاڭبىر جاۋىپ، تۇمان تۇسەدى، نايزاعاي ويناپ، جەلدىڭ ەكپىنى 28 م/س- قا دەيىن جەتەدى. سولتۇستىك وڭىرلەردە كوكتايعاق پەن ۇسىك بولۋى مۇمكىن. سونىمەن قاتار ەلدىڭ بىرنەشە وبلىسىندا جوعارى جانە توتەنشە ءورت قاۋپى ساقتالادى.