سينوپتيكتەردىڭ بولجامىنا سۇيەنسەك، 11 جانە 12-قاراشادا قازاقستاننىڭ تەك باتىس وڭىرلەرىندە نەگىزىنەن جاۋىن-شاشىنسىز اۋا رايى كۇتىلەدى. باسقا ايماقتاردا جاڭبىر مەن قار جاۋىپ، كەي جەرلەردە جاۋىن-شاشىن قاتتى بولۋى مۇمكىن.
تۇندە جانە تاڭەرتەڭگى ۋاقىتتا ەلىمىزدىڭ بارلىق اۋماعىندا تۇمان ءتۇسىپ، جولداردا كوكتايعاق بولۋى ىقتيمال.
بۇعان دەيىن سينوپتيكتەر 2026-جىلدىڭ قاراشا ايى قازاقستاندا كليماتتىق نورمادان جىلى بولادى دەپ كۇتىلەتىنىن، ءبىراق ەل تۇرعىندارىنا تۇراقتى جىلى اۋا رايىنا سەنۋدىڭ قاجەتى جوقتىعىن ايتقان بولاتىن. اي بويى جاڭبىر، جىلبىسقى قار، بۇرقاسىن جانە تەمپەراتۋرانىڭ كۇرت وزگەرۋى بولجانادى. سولتۇستىك، شىعىس جانە ورتالىق ايماقتاردا كەي كۇندەرى تۇنگى اياز 18 گرادۋسقا دەيىن جەتۋى مۇمكىن.