استانا. KAZINFORM - استانانىڭ مامانداندىرىلعان اۋدانارالىق تەرگەۋ سوتىندا بەكزات كەمەلوۆاعا قاتىستى قىلمىستىق ءىس قارالىپ جاتىر. ىستەگى جابىرلەنۋشى - سالتانات نۇكەنوۆانىڭ ولىمىنە بايلانىستى سوتتالعان بۇرىنعى ءمينيستردىڭ اناسى الميرا نۇرلىبەكوۆا.
اتالعان ءىستى سۋديا نازگۇل باپاقوۆا جۇرگىزىپ وتىر.
ماتەريالدارعا سۇيەنسەك، الميرا نۇرلىبەكوۆا ءوزىنىڭ تۋىسى بەكزات كەمەلوۆانى 990 مىڭ ا ق ش دوللارىن (ايىپتاۋ اكتىسىنە سايكەس 453 ميلليون 182 مىڭ 400 تەڭگە) يەمدەندى دەپ ايىپتاپ وتىر.
تالقىلاۋ باسىندا جابىرلەنۋشىنىڭ ادۆوكاتى ەرلان عازىمجانوۆ سوتتان بەكزات كەمەلوۆادان كەلتىرىلگەن شىعىن سوماسىن ءوندىرۋدى سۇرادى.
ايىپتاۋ اكتىسى جاريالانعان سوڭ سۋديا ايىپتالۋشىدان ايىپپەن كەلىسەتىن-كەلىسپەيتىنىن ناقتىلادى. بەكزات كەمەلوۆا ءوز كىناسىن مويىندامادى.
قازىرگى ۋاقىتتا سوتتا جابىرلەنۋشىنىڭ جاۋابى تىڭدالىپ جاتىر.
ەسكە سالا كەتسەك، ەكس- شەنەۋنىك قۋاندىق بيشىمبايەۆ ازاماتتىق نەكەدە بولعان ايەلىن ولتىرگەنى ءۇشىن 24 جىلعا سوتتالدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан