تاماقتان كەيىن سەرۋەندەۋ
ديابەتتىڭ الدىن العىڭىز كەلسە، فيزيكالىق بەلسەندىلىككە ۋاقىت ءبولىڭىز. سەبەبى بۇلشىقەتتەر جۇمىسى مەن قاناينالىم قانداعى قانت دەڭگەيىن تۇسىرۋگە كومەكتەسەدى. ەگەر جۇمىس كەستەڭىزبەن جاتتىعۋ زالىنا بارۋعا مۇمكىندىك بولماسا، تۇسكى استان سوڭ سىرتقا شىعىپ سەرۋەندەپ كەلىڭىز.
سۋدى كوپ ءىشۋ
دارىگەرلەر ناۋقاستارعا قانداعى قانت دەڭگەيىن باقىلاۋدا ۇستاۋ ءۇشىن راتسيونداعى كومىرسۋلار، كالوريا جانە قانتتى شەكتەۋ قاجەت ەكەنىن ايتادى. ال سۋدى كەرىسىنشە، كوپ ىشكەن پايدالى. سەبەبى بۇيرەك سۋدى قانشالىقتى كوپ قولدانسا، ول قانتتى سونشالىقتى جاقسى شايىپ شىعادى.
ۋاقىتىندا ۇيىقتاۋ
جاقسى تۇنگى ۇيقى حال-جاعدايدى، سونىڭ ىشىندە گليۋكوزا كورسەتكىشىن قالىپقا كەلتىرەدى. تاۋلىگىنە جەتى ساعاتتان از ۇيىقتاۋ ينسۋلينگە توزىمدىلىكتى ارتتىرىپ، كەلەسى كۇنى ءسىزدىڭ اش بولىپ ويانۋىڭىزعا اسەر ەتەدى. ال ول دۇرىس ەمەس تاماقتانۋعا جانە قۇرامىندا كومىرسۋلارى مەن قانتى كوپ ءونىم جەۋگە يتەرمەلەيدى. ءبىر كۇندە ۇيقى ادەتىن وزگەرتۋ مۇمكىن ەمەس، الايدا كۇندە ءبىر ۋاقىتتا جاتىپ، ۇيقى ساپاسىن جاقسارتۋعا تىرىسىڭىز.
massaget.kz