قانات اۋەسباي جاڭا قىزمەتكە تاعايىندالدى

الماتى. KAZINFORM - جۋرناليست-پەداگوگ قانات اۋەسباي ءال-فارابي اتىنداعى قازاق ۇلتتىق ۋنيۆەرسيتەتى جۋرناليستيكا فاكۋلتەتىنىڭ دەكانى بولىپ تاعايىندالدى. بۇل تۋرالى ج و و باسپا ءسوز قىزمەتى ءمالىم ەتتى

قانات اۋەسباي ۇلى 1982 -جىلى 14-قاڭتاردا قازىرگى تاراز قالاسىندا تۋعان.

2004 -جىلى ءال- فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىن «حالىقارالىق جۋرناليستيكا» ماماندىعى بويىنشا ۇزدىك ديپلوممەن ءبىتىرىپ، اسپيرانتۋراسىنىڭ كۇندىزگى ءبولىمىن ءتامامداعان.

ب ا ق جانە ۇكىمەتتىك ەمەس ۇيىمداردا باي تاجىريبەسى بار: «31-ارنا»، «قازاقستان»، «Astana» سياقتى رەسپۋبليكالىق ارنالاردا ءتىلشى، رەداكتور- ساراپشى، تەلەجۇرگىزۋشى، شەف-رەداكتور، جالپى ۇلتتىق قوزعالىستىڭ مەديا- ديرەكتورى، پرەزيدەنت ورتالىعى باسپا ءسوز قىزمەتىنىڭ اعا ساراپشىسى، «قازاقستان» رەسپۋبليكالىق تەلەراديوكورپوراتسياسى» ا ق اتىراۋ وبلىستىق فيليالى ديرەكتورى، Elorda Aqparat مەديا-حولدينگىنىڭ ديرەكتور ورىنباسارى، حالىقارالىق «قازاق ءتىلى» قوعامىنىڭ استاناداعى فيليالىنىڭ ءتوراعاسى، «قازاقستان» تەلەراديوكورپوراتسياسىنىڭ ديدجيتال ديرەكتورى بولىپ قىزمەت ەتتى.

2010 -جىلى «قازاق تەلەارنالارىنداعى قازىرگى اقپاراتتىق باعدارلامالار تابيعاتى» تاقىرىبىندا كانديداتتىق ديسسەرتاتسيا قورعادى. «بولاشاق» حالىقارالىق ستيپەندياسى اياسىندا ۇلى بريتانيادا عىلىمي- پەداگوگيكالىق تاعىلىمدامادان ءوتتى (University of East Anglia, Norwich).

قازاق ەكونوميكا، قارجى جانە حالىقارالىق ساۋدا ۋنيۆەرسيتەتىن «ەكونوميكا جانە بيزنەس باكالاۆرى» ماماندىعى بويىنشا اياقتاعان. «Turan-Astana» ۋنيۆەرسيتەتىندە «قۇقىق ماگيسترى» اكادەميالىق دارەجەسىن الدى.

قازاقستان جۋرناليستەر وداعى سىيلىعىنىڭ لاۋرەاتى، قازاقستان جاستار وداعى «سەرپەر» سىيلىعىنىڭ يەگەرى، ب ا ق وكىلدەرى اراسىنداعى رەسپۋبليكالىق «Nur Sunqar» بايقاۋىنىڭ جەڭىمپازى، «اقپارات سالاسىنىڭ ۇزدىگى»، «مادەنيەت سالاسىنىڭ ۇزدىگى» توسبەلگىلەرىمەن ماراپاتتالعان.

ۇلى بريتانيادا باسىلىپ شىققان قازاق جانە اعىلشىن تىلىندەگى «باتىس كورگەن. ۇلى بريتانيا قازاقتىڭ كوزىمەن» كىتابىنىڭ اۆتورى.