قان قىسىمىن تۇسىرەتىن ءونىم قانداي؟
13:06, 07 - مامىر 2025
كاناداداعى ۆاتەرلوو ۋنيۆەرسيتەتىنىڭ پروفەسسورى انيتا لەيتون قان قىسىمىن تومەندەتۋ ءۇشىن راتسيونعا ءبىر جەمىستى قوسۋ كەرەك ەكەنىن ايتتى.
«راتسيونعا كالييگە باي تاعامداردى قوسۋ قان قىسىمىنا وڭ اسەر ەتەتىنىن زەرتتەۋ دە كورسەتكەن»، - دەپ ءتۇسىندىردى انيتا لەيتون.
پروفەسسور كۇندەلىكتى مازىرگە كاليگە باي باناندى قوسۋدى ۇسىندى. سونىمەن قاتار، بۇل ميكروەلەمەنت بروككولي، اۆوكادو، لوسوس جانە سويادا كەزدەسەدى.
ەسكە سالايىق، بۇعان دەيىن قان قىسىمى تومەن ادامدارعا ءتورت كەڭەس بەرىلدى. ساراپشىلاردىڭ سوزىنشە، قان قىسىمى تومەن بولسا كوپ سۋ ءىشۋ كەرەك، ساعات سايىن شامامەن ءبىر ستاقان سۋ ىشكەن ابزال.
مامان تۇزدى دا كوبىرەك تۇتىنۋعا كەڭەس بەردى، ويتكەنى گيپوتونيكتەر ءۇشىن بۇل - قاجەت نارسە.