قىتايدىڭ حاڭجۋ قالاسىندا ءوتىپ جاتقان ازيا ويىندارىندا قازاقستاندىق بوكسشى قامشىبەك قوڭقابايەۆ كۇمىس جۇلدەگەر اتاندى، دەپ حابارلايدى قازاقپارات ءتىلشىسى.
قازاقستاندىق بوكسشى اسا اۋىر سالماقتا ءوزىنىڭ سىرالعى قارسىلاسى، وليمپيادا چەمپيونى، وزبەكستاندىق باحودير جالولوۆپەن قولعاپ ءتۇيىستىردى.
تارتىستى وتكەن جەكپە- جەكتە وزبەكستاندىق بوكسشى 4:0 ەسەبىمەن جەڭىسكە جەتتى.
وسىلايشا، ازيا ويىندارىندا قازاقستاندىق بوكسشىلارعا التىن بۇيىرمادى.
ەسكە سالا كەتەيىك، بۇدان بۇرىن كارينا يبراگيموۆانىڭ ازيا ويىندارىنىڭ كۇمىس جۇلدەگەرى اتانعانىن جازعان بولاتىنبىز.
سونداي- اق قىتايلىق قانداسىمىز توقتاربەك تاڭاتقان ازيادا چەمپيونى بولدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.