ولاردىڭ سوزىنشە، مارقۇم قىلمىسكەردىڭ وتباسى كولىكتەردى ءوز ەركىمەن مەملەكەت مەنشىگىنە بەرگەن.
وسىلايشا، ساتىلاتىن مۇلىكتىڭ قازىرگى يەسى – ق ر مينيسترلەر كابينەتى.
اۆتوكولىكتەر تۋرالى اقپارات:
- MERCEDEC- BENZ S600 كولىگى 2017-جىلى شىققان. باستاپقى باعاسى - 25 ميلليون 500 مىڭ سوم؛
- BMW ALPINA XB7 كولىگى 2021-جىلى شىققان. باستاپقى باعاسى - 18 ميلليون سوم؛
- MERCEDEC- BENZ G500 كولىگى 2013-جىلى شىققان. باستاپقى باعاسى - 5 ميلليون 400 مىڭ سوم؛
- HYUNDAI GENESIS كولىگى 2019-جىلى شىققان. باستاپقى باعاسى - 2 ميلليون 800 مىڭ سوم؛
- TOYOTA LAND CRUISER PRADO كولىگى 2005-جىلى شىققان. باستاپقى باعاسى - 1 ميلليون 250 مىڭ سوم؛
- KIA RIO X-LINE كولىگى 2019-جىلى شىققان. باستاپقى باعاسى - 1 ميلليون 150 مىڭ سوم.
اۋكسيون وتەتىن ورىن - auctionetp.gov.kg ەلەكتروندىق ساۋدا الاڭى.
وتىنىشتەر 20-قاراشا 10.00-دە باستالىپ، 11-جەلتوقسان كۇنى 10.00-دە اياقتالادى.
بۇعان دەيىن قىرعىزستاندا اتىشۋلى قىلمىستىق اۆتوريتەت قامشى كولبايەۆتى (قامشىبەك اسانبەك) ۇستاۋعا باعىتتالعان ارنايى وپەراتسيا جۇرگىزىلىپ، اتىس كەزىندە ول قارسىلىق كورسەتىپ، ۇ ق ك ارنايى جاساعىنىڭ كۇشىمەن كوزى جويىلعانىن حابارلاعان بولاتىنبىز.
سونداي- اق قىرعىزستاندا قىلمىستىق ءىس اياسىندا جۇرگىزىلگەن جەدەل- ىزدەستىرۋ شاراسىنىڭ بارىسىندا كولبايەۆقا تيەسىلى بولعان، قۇنى 500 مىڭ ا ق ش دوللارى بولاتىن اسىل تۇقىمدى جىلقىلار تاركىلەندى.
مەملەكەتتىك كەدەن قىزمەتىنىڭ 50-گە جۋىق قىزمەتكەرى مارقۇم بولعان قىلمىس الەمىنىڭ سەركەسى قامشى كولبايەۆپەن تىعىز بايلانىستا بولعانى ءۇشىن جۇمىستان شىعارىلدى.
قامشى كولبايەۆتىڭ ۇيىمداسقان قىلمىستىق توبى قىرعىزستاننىڭ بۇرىنعى پرەمەر- ءمينيسترى ساپار يساكوۆقا سىيلاعان ليۋكس ساناتىنداعى بروندى اۆتوكولىك تە تاركىلەنگەنىن ەسكە سالا كەتەيىك.
اۆتور
بالنۇر قوجاگەلدى